VOV4.Sêdang - Kơxo lơ 31/5, a Plông kân Lâm Viên, pơlê kong kơdrâm Đà Lạt, Khu ngăn mơhno túa le\m tro tơ’noăng ivá [ă ôm hyô kong pơlê Lâm Đồng tơru\m [ă Vi [an hnê ngăn pơlê kong kơdrâm Đà Lạt tơku\m po Leh tối tơbleăng ăm tâi tâng kuăn pơlê hriâm klê têa, hbrâ ví tơdroăng ki tro klâk têa hơnăm 2019.

Lâm Đồng: Tối tơbleăng ăm kuăn pơlê hriâm klêa têa, hbrâ ví tơdroăng klâk têa 

Klâk têa cho xiâm kối pro hlâ rong hên má môi ăm vâi hdrêng [ă mâu pho#m vâ xông kân a Việt Nam. Tiô riân ngăn môi hơnăm a Việt Nam ai vâ chê 6 rơpâu ngế hlâ xua klâk têa, tung mê ai vâ chê 2 rơpâu ngế vâi hdrêng. Péa xiâm kối ki tơdjâk troh klâk têa a vâi hdrêng, cho tơdroăng ki ôh tá vâ hmâng dêi mâu ngế ki kân [ă tơdroăng mâu vâi o ôh tá ‘nâi klê têa.

Lâm Đồng cho kong pơlê ki ai hên rơchoâ, long têa [ă lối 300.000 ngế hok tro, xua mê tơdroăng ki tối tơbleăng hriâm klê têa [ă mâu tơdroăng ki hbrâ ví klâk têa tung tung pơla hơnăm ối hriâm cho troăng hơlâ ki kal khât.

Katarina Nga tơplôu [ă tơbleăng