VOV4.Sêdang - Kơxo lơ 11/10, kong pơlê Lâm Đồng tơrŭm ƀă mâu kơ koan cheăng dêi kong pơlê Bình Dương, Đồng Nai, Bà Rịa – Vũng Tàu tơkŭm po tơdah lối 1.000 ngế kuăn pơlê vêh a pơlê xiâm. Drô troăng prôk, khu ki prôk troăng pơrá ai tíu ki tŏng kum, môi tiah: Khu kan sat rak tơniăn troăng prôk djâ troăng, tŏng kum khăm pơlât tâng drêng kal má môi. Mâu kuăn pơlê vêh a pơlê xiâm thế ai mơ-éa test âm tĭnh ối xêt khât ƀă drêng vêh a pơlê xiâm pơrá thế klâ kơtăn tiô pơkâ.

Kuăn pơlê Lâm Đồng a Đồng Nai hbrâ vâ vêh

Kố cho roh tơdah kuăn pơlê má 2 dêi kong pơlê Lâm Đồng tung pơla pái hâi hiăng hluâ. Hdrối mê, Lâm Đồng hiăng djâ lối 2.000 ngế kuăn pơlê kreăng a Pơlê kong kân Hồ Chí Minh vêh a pơlê xiâm tơniăn. Tiô tối hdrối tung mâu hâi la ngiâ, hên kong pơlê, pơlê kong kơdrâm tung lâp tơnêi têa pơtối tơrŭm ƀă Pơlê kong kân Hồ Chí Minh ƀă mâu kong pơlê ki achê mê, môi tiah: Bình Dương, Đồng Nai, Bà Rịa – Vũng Tàu ƀă hía hé, vâ tơkŭm po djâ kuăn pơlê vêh pơlê xiâm ƀă hên troăng môi tiah to rơxế, to rơxế lơ treng ƀă to tơ-ƀai.

A Sa Ly tơplôu ƀă tơbleăng