‘’ Liăn ‘măn kơd^ng kum rak tơniăn’’ kong pơlê Kontum mơjiâng hơnăm 2012, [ă kơxo# liăn rôh apoăng ai lối 1 rơtal liăn, kum ăm 24 kơ koan, khu mơdró kâ tung lâp kong pơlê veăng tơlo. Liăn ‘măn kơd^ng mê châ mơjiâng vâ kum mâu ngế ki tro xôi nah drêng vêh le\m ai liăn vâ pêi cheăng kâ, tê mơdró, mơ-eăm chiâng mơngế ki le\m, rêh ối pơxúa ăm rơpo\ng hngêi [ă pơlê pơla. Kơ’nâi lối 4 hơnăm pêi cheăng, ai 51 ngế châ mung liăn ing liăn ki ‘măn kơd^ng (rêm ngế châ mung 20 rơtuh liăn) tơvêh laih rêm khế ai 0,3%. Vâ kơxo# liăn mê châ pơtối rak vế ki pơxúa, ko\ng an kong pơlê hiăng mơjiâng môi khu rak ngăn, [ă hnoăng cheăng tơdah xo, séa ngăn tơdroăng rêh ối dêi tơrêm ngế vâ pơkâ thế khu rak liăn kring gak tơniăn ăm mung liăn vâ pêi cheăng, tơru\m [ă mâu kơvâ cheăng, khu grup, khu tơku\m hnê cheăng pêi, hnê tối ‘na khoa hok kơmăi kơmok, lăm ngăn mâu túa pêi cheăng kâ vâ teăm kum vâi mơnhông cheăng kâ tro tơdroăng. Troh nôkố, tâi tâng kơxo# liăn mung ing liăn ‘măn kơd^ng xuân châ xúa tơ-[rê. Ngoh Nguyễn Văn Hiếu, môi ngế châ mung liăn a thôn 6, cheăm Đak La, tơring Đăk Hà, kong pơlê Kontum tối,

‘’A hiăng lăm phâk nah [ă hiăng châ mơ’no vêh a pơlê. Péa kơpeăng kong oh tá ai liăn vâ pêi cheăng kâ, kơnôm ai mâu kăn tơring cheăm, malối Khu rak liăn kring vế tơniăn ăm a mung châ 20 rơtuh liăn. A rôe 2 to ro, troh nôkô ro hiăng ai kuăn châ tơ’nôm pái to nếo. A sôk ro [ă púi vâ kơxo# liăn kố xuân châ ăm hên mâu ngế ki môi tiah á châ mung xêh há’’.

Môi ngế ki ê nếo, ngoh Trần Văn Thắng, kot mâ hơnăm 1963, ối a cheăm Tan Lâp, tơring Kon Braih cho ngế ki châ kơdroh kơxo# hơnăm phâk, mơ’no lo ing hngêi phâk hdrối hâi khế pơkâ a hơnăm 2009. Vêh rêh ối tung pơlê, tơdroăng rêh ối dêi ngoh pá puât, prếi on veăng lăm pêi cheăng vâi tăng liăn ôh tá bê hmê kâ ăm 5 ngế tung rơpo\ng hngêi. Klêi ti tăng ‘nâi ple\ng, liăn kum rak pro tơniăn hiăng ăm mâu rơpo\ng hngêi mung 20 rơtuh liăn vâ ai liăn ‘no mơnhông păn mơnăn mơnôa. Kơnôm ‘nâi hriâm túa pêi cheăng, [ă ing hiâm tuăn kơdo mơ-eăm vâ tơkâ hluâ kơtiê, lối 2 hơnăm pêi cheăng, troh nôkố ngoh hiăng ai ro, pú pái, chu [ă hr^ng to í. Nôkố ngoh dế mơ-eăm rak túa păn chu kong. Tâi tâng kơxo# liăn pê lo rêm hơnăm châ xo vâ chê 100 rơtuh liăn, tơdroăng rêh ối dêi ngoh hiăng châ tơniăn.

Ki khât gá, hên ngế klêi vêh rêh ối [ă kuăn pơlê hiăng tro mâu kuăn pơlê tơná pin [ă mâu ngế rơtâ tá pơrah, tơklâ, oh tá vâ tơpui [ă. Mâu ngế ki ‘nâ drêng lăm pâ cheăng vâi, vâi oh ti vâ xo, mê tơdroăng vêh rêh ối môi tiah mâu nho\ng o ki ê [ă mơngế ki hiăng tro xôi nah trâm hên xơpá. Hlo tơdroăng mê, mâu khu grup, kơvâ cheăng kal tơku\m po hên tơdroăng cheăng pêi ki pơxúa khât, choâ ‘lâng pro tơ’lêi hlâu ăm mâu ki tro xôi nah drêng vêh châ rêh ối môi tiah mâu nho\ng o ki ê. Xua vâi kal mâu ki ê pôi tá ‘nhó kơ vâi, tơmâng, châ cheăm, tơring [ă rơpo\ng hngêi veăng kum vâ loi tơngah khât oh tá kơxiâp kơmêi mơ-eăm tâ nếo tung rêh ối.

Hluâ 4 hơnăm pêi cheăng ‘’Liăn ‘măn kơd^ng kum rak tơniăn’’ kong pơlê Kontum châ ngăn cho ki xiâm mơhnhôk kân ‘na hiâm tuăn [ă kế tơmeăm, hiăng kum mâu ngế ki tro xôi nah châ vêh rêh ối le\m môi tiah mâu ki ê, mơ-eăm rơnêu pât tơná chiâng mơngế ki le\m rêh ối ai pơxúa ăm dêi on veăng rơpo\ng hngêi [ă pơlê pơla.

Gương tơplôu [ă tơbleăng