VOV4.Sêdang - Kơxo xo lơ 25/12, ai lối 4.500 ngế hok tro pơxiâm tơ’noăng hok tro rơkê tung tơnêi têa hơnăm 2020. rôh tơ’noăng po tung lâp tơnêi têa tung pơla 3 hâi, sap hâi lơ 25/12 troh tâi lơ 27/12. hơnăm 2020, tâi tâng mâu hok tro veăng tơ’noăng rah hok tro rơkê tơnêi têa ai lối 4 rơpâu 500 ngế tơ’noăng a 12 môn, mê cho: Toán, Vật lý, Hóa học, Sinh học, Tin học, Ngữ văn, Lịch sử, Địa lý,  nâl Ănglê, nâl Rusi, nâl Pơhlăng [ă nâl Sinuâ.

Tung mê, môn sinh học ai hên ngế tơ’noăng má môi 501 ngế. Pơtối mê môn Hoá học, môn Toán, Vật Lý. Mâu môn tơ’noăng kô po tơ’noăng a tâi tâng mâu tíu xua Khu xiâm ngăn hnê hriâm [ă hnê tuăn ngôa rơkê dêi mâu kong pơlê, pơlê kong kơdrâm mơhno ăm tíu tơ’noăng. Ko [ai tơ’noăng xua khu xiâm ngăn hnê hriâm [ă hnê mơjiâng tuăn ngôa rơkê dêi tơnêi têa [ă pơtroh ăm mâu Khu xiâm ngăn hnê hriâm [ă hnê mơjiâng tuăn ngôa rơkê dêi mâu kong pơlê.

Tiô tối hdrối, klêi tơ’noăng, kô rah hok tro ki rơkê ăm lăm tơ’noăng tung lâp tơnêi têa hơnăm 2020 kô châ Khu xiâm ngăn hnê hriâm [ă hnê mơjiâng tuăn ngôa rơkê tơbleăng tung rôh Têt Lo hơnăm nếo 2021.

Gương tơplôu [ă tơbleăng