VOV4.Sêdang - {ă tâi tâng mâu kăn ki veăng a Hneăng hôp kân roh má 13 dêi Đảng, tâng a hâi ki apoăng po hneăng hôp nah, cho tơdroăng ki hâk phiu, hơniâp ro xuân ai tá tơdroăng ki phoih tung hiâm mơno xua tơkôm hmăng, mê hâi kố, mâu kăn ki veăng hôp mê hiăng phiu ro, hâk suâ tu\m têk tâi tâng. Hơniâp ro akố cho xua mâu rơkong tơpui tối ki tá tuăn tá mơno, hlê ple\ng, pôu râng hnoăng cheăng dêi tơná, ing mê, hiăng veăng kum khoh châ [lêi chiâng dêi hneăng hôp kân, ki malối hiăng pôk môi Khu kăn xiâm pơkuâ hnê ngăn Đảng hneăng ki nếo, châ đảng vỉên [ă mâu kuăn pơlê séa mơnhên ngăn cho ki xiâm ăm hiâm tuăn mơno dêi Đảng; Môi khu xiâm pơkuâ hnê ngăn ki tơru\m, ai troăng hơlâ châ pơtối mơdêk [ă mơnhông.

Ki hơniâp ro hên tâ cho ngế ki pơkuâ xiâm Đảng, cho pôa Nguyễn Phú Trọng, Kăn xiâm pơkuâ hnê ngăn, Kăn xiâm hnê ngăn, cho ngế ki djâ troăng bâ eăng ‘no hiâm tuăn mơno [ă ki hloh hlê rơkê ple\ng dêi Đảng, châ kuăn pơlê [ă đảng viên lâp tơnêi têa loi tơngah, hâk vâ, pơtối châ pro Kăn xiâm pơkuâ hnê ngăn Đảng hneăng ki nếo. Khu chêh hlá tơbeăng cheăng tung Rơ’jíu Việt Nam hiăng vêh chêh rơkong tơpui tối dêi mâu kăn Đảng tung chôu phut mơgêi Hneăng hôp kân Đảng lâp tơnêi têa roh má 13.

Phiu ro hlo tơdroăng ki tơ-[rê kân dêi hneăng hôp, loi tơngah ‘na tơdroăng ki rah xo dêi Đảng, pơtối pơcháu hnoăng cheăng ăm pôa Nguyễn Phú Trọng, kăn xiâm pơkuâ hnê ngăn Đảng, kăn xiâm hnê ngăn tơnêi têa, ối rak vế dêi hnoăng cheăng kăn xiâm pơkuâ ngăn Đảng hneăng ki nếo, pôa Nguyễn Hồng Hà, ngế lo lo ing kong pơlê Gia Lai, tối:

‘’Á hlo phiu ro khât ki tơ-[rê klêi kơ’nâi rôh tâ ph^u a hneăng hôp, pôa Nguyễn Phú Trọng châ vêh pôk nếo, tiô tơdroăng Đảng Ko\ng san Việt Nam cho rak dêi hnoăng cheăng kăn xiâm pơkuâ hnê ngăn Đảng ôh tá luâ péa hneăng. Laga, tơdroăng ki Đảng ai pơkâ: tơdroăng ‘mâi rơnêu ‘mot tơ’nôm tơdroăng pơkâ dêi Đảng cho xua Hneăng hôp kân lâp tơnêi têa pơkâ. A Hneăng hôp rôh kố, kơxo# mâu kăn pói rơhêng vâ pôa Nguyễn Phú Trọng pơtối pêi hnoăng cheăng hneăng má 3 môi tiah cho tơdroăng ki hiăng chiâng ai khât. Tiô tơmiât dêi á, tơdroăng ki loi tơngah dêi kăn [o#, đảng viên [ă Kuăn pơlê lâp tơnêi têa.{ă tơdroăng ki loi tơngah tơnêi têa pin pơtối mơnhông rơdêi, malối cho hnoăng cheăng hbrâ mơdât kâ kơluâ kô châ pêi pro tro tâ’’.

Pơkâ tơdroăng ki loi tơngah a Khu pơkuâ hnê ngăn tíu xiâm Đảng tơnêi têa hneăng ki nếo, nếo ăm ‘nâi [ă loi tơngah tung mâu ngiâ méa tung Khu pơkuâ tơdroăng cheăng kal kí nếo châ Hneăng hôp rah pôk, jâ Trần Thị Lộc, ngế ki lo ing kong pơlê Bắc Kạn loi tơngah, kố cho mâu ngế ki rơkê vâ tơbleăng [lêi trâng tơdroăng pơkâ Hneăng hôp 13, ăm tơnêi têa Việt Nam châ mơnhông kro mơdro\ng:

‘’Chiâng vâ tối cho mâu ngế cheăng tung khu pơkuâ xuân môi tiah Khu xiâm pơkuâ tơdroăng kal kí, Khu pơkuâ ngăn Tíu xiâm Đảng hneăng 13 rôh kố cho mâu ngế ki tơxâng kơhnâ, rơkê xuân môi tiah ai hiâm mơno le\m tro, á loi tơngah tiah kố [ă môi hneăng ki nếo, kô ai hên tơdroăng ki hơniâp ro kố mê mâu vâi pú kô mơdêk ivá vâ ăm tơnêi têa mơnhông tơtêk’’.

Mâu tơdroăng mê ối tối nhên, kố cho môi hneăng hôp châ hbrâ rơnáu nhên [ă tơniăn, vê hdró ‘na tơdroăng ki mơnhông dêi tơnêi têa, po ăm môi hneăng ki mơnhông mơdêk nếo, pêi pro châ tơ-[rê tơdroăng ki loi tơngah dêi kuăn pơlê, pôa Phùng Đức Chiến, ngế ki lo ing kong pơlê Bắc Ninh rơhêng vâ tiah kố, hnoăng cheăng hbrâ mơdât kâ kơluâ kô pơtối châ pêi pro tơ-[rê, veăng kum pro krúa ăm khu pơkuâ tơnêi têa, ‘mâi mơnhông tơdroăng ki loi tơngah ăm kuăn pơlê:

“Hnoăng cheăng hbrâ mơdât kâ kơluâ tung hneăng hdrối kố nah châ Đảng, Tơnêi têa, malối cho Khu xiâm pơkuâ tơdroăng kal kí, Khu pơkuâ ngăn Đảng, Khu pơkuâ ngăn Tíu xiâm Đảng pêi pro tơdroăng pơkâ kơhnâ [ă tơ-[rê. Á tơmiât tiah kố, tung hneăng la ngiâ, hnoăng cheăng hbrâ mơdât kâ kơluâ kô pơtối châ pêi pro [ă kho\m hên tâ, pơtối hnoăng cheăng kố [ă hiâm mơno ki Hneăng hôp 12 hiăng châ pêi pro’'.

Pôa Đỗ Mạnh Hiến, ăm ‘nâi, tơdrêng [ă tơdroăng ki veăng tơpui ‘na hlá mơ-éa [ă mâu ngế cheăng. Hneăng hôp xuân hiăng ai rơkong hnê mơhno vâ hbrâ mơdât pơreăng Covid-19 kal tơdrêng. Malối tơdroăng pơkâ hneăng hôp hiăng tối nhên hnoăng cheăng, troăng hơlâ ăm hnoăng cheăng hbrâ mơdât COVID-19 tung la ngiâ:

‘’Kố cho hneăng hôp tiô tuăn ngoâ, mơdêk tơdroăng ki tơniăn khât tung Hneăng hôp. Malối tung hnoăng cheăng hbrâ mâu hlá mơ-éa, hnoăng cheăng hbrâ mâu ngế cheăng, tá mâu hnoăng cheăng kum ăm khu kăn kum tro má môi a ngiâ Đảng, kuăn pơlê. Pak^ng hnoăng cheăng dêi Hneăng hôp, rơnáu krâu tung pơla po Hneăng hôp’’.

{ă hnoăng cheăng dêi ngế ki pơkuâ kong pơlê, kho\m mơ-eăm mơdêk hnoăng cheăng djâ troăng ahdrối, tơdroăng ki djâ troăng ahdrối dêi kăn [o# tung pêi pro hnoăng pơkuâ, hnoăng cheăng châ pơcháu, pôa Hồ Văn Niên, kăn pơkuâ ngăn Đảng Gia Lai ăm ‘nâi, mâu túa pơkâ tơbleăng, pêi pro nhên tơdroăng pơkâ Hneăng hôp 13 a kong pơlê, ing mê veăng kum mơdêk pêi pro [lêi trâng mâu tơdroăng pơkâ mơ’no, mơdêk tơdroăng rêh ối, tơdroăng pêi lo  liăn ngân, hiâm mơno dêi kuăn pơlê a kong pơlê, veăng kum tơdjuôm ăm hnoăng cheăng mơnhông mơdêk dêi tơnêi têa:

‘’Tung tơdroăng pơkâ dêi Hneăng hôp rôh má 13 dêi Đảng, kong pơlê Gia Lai kô pêi pro mâu tơdroăng pơkâ, túa pơkâ nhên vâ tối tơbleăng pêi pro châ tơdroăng mơdêk má môi. Tung tơdroăng pơkâ kố, [ă mâu tơdroăng, túa pơkâ dêi Tơnêi têa, ngăn tung tơdroăng ki ai khât a kong pơlê, ngin kô mơjiâng mâu túa pơkâ pêi pro vâ tối tơbleăng pêi pro, ăm tơdroăng pơkâ hneăng hôp rôh má 13 dêi Đảng mot tung tơdroăng rêh ối rơtế [ă kuăn pơlê tung lâp tơnêi têa, ăm tơnêi têa pin mơnhông tro troăng ki tơdroăng pơkâ hiăng mơnhên, mê cho troh hơnăm 2025 kô mơjiâng tơnêi têa pin mơnhông mơdêk pêi lo liăn chía tơniăn, sap ing mê mơni kô mơnhông mơdêk tiô troăng kơmăi kơmok rơkê ple\ng’’.

Minh Châu-Văn Hải-Nguyên Nhung-Uông Huyền - VOV1

Katarina Nga tơplôu [ă tơbleăng