VOV4.Sêdang - Kơxo lơ 13/2, rơtế [a\ rơxông ối nếo lâp tơnêi têa, 2.300 ngế rơtăm a kong pơlê Gialai hiăng lo lăm pro mô đo#i. Hơnăm kố, a Gialai ai lối tơdế tung tâi tâng 2.300 ngế rơtăm pro mô đo#i cho mơngế hdroâng kuăn ngo, vâ chê tơdế vâi rơtăm hiăng hriâm râ má pái, 63 ngế hriâm đăi ho\k, kao đăng [a\ trung kâp, 5 ngế kăn [o# kông chưk dế pêi cheăng a mâu cheăm, bêng. Tâi tâng 2.300 ngế mot pro mô đo#i roh kố kô pêi cheăng a mâu Kuân đoân 3 [a\ Kuân khu 5. Ngoh  Nguyễn Thanh Giao, môi ngế rơtăm ối a hơlâ kơxo# 112 troăng Phan Đình Phùng, pơlê kong kơdrâm Pleiku, tối:

Rơtăm kong pơlê Gia Lai lăm pro mô đo#i

‘’Ahdrối mot pro mô đo#i, á ti tăng ple\ng nhên mâu tơdroăng pơkâ [a\ hnoăng mơnhông tơtêk dêi khu lêng. Á mơ-eăm rak hiâm mơno krá chân hdrối vâ mot pro mô đo#i. Á sôk ro păng ‘nâng drêng châ tơnêi têa rah xo. Á kô mơ-eăm kum ăm tơnêi têa [a\ khu lêng, kô pêi tơtro mâu tơdroăng pơkâ, luât tung khu lêng’’.

Pâ prếi kuăn khéa hơ’nêng hơhngế dêi pó môi pơla

{ă tơdroăng pêi pro tơdrêng, re\ng tơniăn a 10 to tơring pơlê kong kơdrâm tung kong pơlê Kontum tơku\m pơcháu mâu ngế pro lêng hơnăm 2017 ai tâi tâng tro tiô pơkâ. Kong pơlê Kontum ai 700 ngế nếo rah lăm pro mô đo#i. Tung mê, kong pơlê ki hên má môi cho KonTum ai 150 ngế.  Ki iâ má môi tơring Ia Hdrai, 5 ngế. Ai ivá mo le\m, mâu ki nếo pro lêng dế tro hơnăm sap 18-25, xuân to mâu ki ai ivá mo rơdêi, têi le\m, tơxâng vâ mot pro lêng. 18 ngế hriâm trung cấp troh đại học, 15 ngế cho đảng viên, ai 3 ngế kơdrâi, ki hên cho kuăn ‘ne\ng hdroâng kuăn ngo [ă hên mâu ki nếo chêh hlá đơn pâ mot pro lêng. Kơnôm ing pêi pro tro tơdroăng hnê tối, hlê ple\ng tung hnoăng cheăng kring vế tơnêi têa [ă troăng hơlâ pêi pro dêi lêng, tâi tâng mâu lêng xuân hâk ro vâ lăm pro lêng.

Pơchân tối lêng nếo ahdrối vâ pro mô đo#i

A kong pơlê Daklak [a\ rơxông ối nếo lâp tơnêi têa, lối 2.700 ngế rơtăm dêi kong pơlê hiăng lo lăm pro mô đo#i roh má 1 hơnăm 2017. Tiô tối dêi khu pơkuâ lêng kong pơlê Daklak, roh pơcháu lêng roh kố, tâi tâng mâu rơtăm pơrá ai ivá mo le\m [a\ châ kơdeăn túa má 1 [a\ hriâm lâm kân. Tung mê, ai 18 ngế đảng viên, 18 ngế hriâm râ trung học chuyên nghiệp, 52 ngế hriâm râ Cao đẳng [a\ 28 ngế hiăng mơgêi đại học. Kơxo# ki ê pơrá hiăng mơgêi trung học tơngi klêng.

Tíu pơcháu tơdah mô đo#i a pơlê kong kơdrâm Kon Tum.

Kơxo lơ 13/2, mâu tơring, cheăm tung kong pơlê Daknông hiăng tơku\m tơdah xo vâi rơtăm lăm pro mô đo#i hơnăm 2017, chiên 750 ngế rơtăm lăm pro lêng kring gak tơnêi têa. Leh pơcháu a mâu tơring, pơlê kong krâm po tung pơla hyôh kong prâi tơniăn, thâ re\ng [ă tơ-[rê. Tung 750 ngế rơtăm ai hên ngế sap 18 -27 hơnăm, ivá mo le\m ki má 1, ki má 2 ai hên lối 60%, lối 90% ngế hriâm râ má pái tơngi klêng, 15 ngế hiăng klêi hriâm cao đẳng, đại học, trung cấp, 10 ngế cho đảng viên, ki u ối cho đoân viên, 314 ngế rơtăm hdroâng kuăn ngo.

A Sa Ly prế Gương tơplôu [a\ tơbleăng