Ô ngoh, vâ kô chiâng ai tíu ki xah ôm hêi ăm mâu vâi o hok tro klêi kơ’nâi môi hơnăm hriâm, Hngêi mơhno túa le\m tro vâi hdrêng Dak Lak hiăng hbrâ rơnáu mâu tơdroăng ki klâi ăm vâi o?

Kpă Y Khoa: Pơtối pêi pro mâu hnoăng cheăng hơnăm 2019 mê Hngêi mơhno túa le\m tro vâi hdrêng hiăng mơdêk mâu tơdroăng cheăng a rơnó pơtê hriâm, mâu môn ‘na mơhno túa le\m tro nge# thuât [ă mâu môn voh thuât, hơdruê xuâng [ă kơchuâ um [ă hên h^n mâu tơdroăng ki ê kum ăm mâu vâi o ai tíu ki xah ôm hêi tơniăn le\m.

Hơnăm kố, Hngêi mơhno túa le\m tro hiăng thăm mơdêk mâu hnoăng cheăng ki vâ hnê tối ‘na tơdroăng rêh ối, môi tiah hriâm ‘na kơvâ cheăng lêng [ă mâu túa ki vâ xúa phần mềm, veăng kum mơjiâng pro hên mâu môn ki vâ hnê rơnêu pât tuăn mơno. Ai môi tơdroăng ki nếo, hơnăm kố, Dak Lak kô po hneăng Tơ’noăng hơdruê xuâng Búp Sen Hồng, kố cho môi tíu ki xah ôm hêi kum ăm vâi o hdrêng kơpong peăng Hdroh. Mê cho mâu tơdroăng cheăng ki xiâm kum ăm vâi o hdrêng tung la ngiâ.

Vâ tơtro [ă tơdroăng pói châ tung hnê hriâm, hnê mơjiâng mơhno túa le\m tro, nge# thuât ăm vâi hdrêng, mê Hngêi mơhno túa le\m tro hiăng ai hbrâ ti lâi ‘na kế tơmeăm [ă khu vâi thái cô?

Kpă Y Khoa: Hdrối vâ mot tung rơnó pơtê hriâm mê Hngêi mơhno túa le\m tro vâi hdrêng xuân hiăng hbrâ pêi cheăng [ă mâu thái cô, mâu ngế ki veăng kum cheăng ‘na mâu tơdroăng ki ai tơdjâk [ă ki rơhêng vâ tối ‘na ki rơkê dêi mâu thái cô drêng veăng hnê ‘na mâu môn ki rơkê tơ’nôm a rơnó pơtê hriâm mê. Pak^ng mê, tơdroăng ki vêh séa ngăn ‘na mâu tơmeăm khoăng, tơdroăng ki pói kal châ hriâm dêi vâi o hdrêng vâ ga tơniăn tơtro tiô túa cheăng. ‘Na mâu lâm hriâm ki rơkê tơ’nôm mê, dế pơla kố, kế tơmeăm khoăng ga hiăng chía ai tu\m.

Pak^ng mê, mâu môn ki xah ôm hêi pá kong, mâu môn ki hriâm tiô kơ tơdroăng, môi tiah tí tăng ‘nâi ple\ng ‘na kong kế, nhâ loăng lơ mâu tơdroăng ki hriâm ple\ng ‘na cheăng lêng, mê kơxo# vâi o hdrêng rêm hơnăm rế hriâm tâp rế veăng xah ôm hêi ai dâng 1 rơpâu 200 ngế vâi o hdrêng. Lâm hnê ‘na tơdroăng rơkê tơ’nôm mê ai 33 to lâm ai hên mâu môn ki pơrá phá dêi pó, hnối ai tá mâu tơdroăng ki ai păng ‘nâng tung rêh kâ ối dêi mâu vâi hdrêng tiô kơ tơdroăng ki hmâ tung kong pơlê kố, tung mê, mâu môn ‘na chêh kơchuâ um, ‘na tơ’noăng ivá mê kơdo mơ-eăm to\ng kum le\m tro má môi ăm mâu tơdroăng cheăng.

Pak^ng mâu lâm ‘na mơhno túa le\m tro, ‘na nge# thuât, tơ’noăng ivá mê mâu vâi nôu pâ kal athế to\ng kum hên troh mâu tơdroăng ki hriâm ‘na túa rêh kâ ối. Ti mê, Hngêi mơhno túa le\m tro ai mâu tơdroăng ki klâi vâ kum ăm tơdroăng ki kố?

Kpă Y Khoa: Xuân môi tiah rêm hơnăm, kơnôm ai tơdroăng to\ng kum tơru\m cheăng krá tơniăn pơla Khu pơkuâ ngăn Đoân droh rơtăm dêi kong pơlê [ă Khu pơkuâ ngăn lêng dêi kong pơlê, mê tơdroăng ki hriâm vâ hlê ple\ng ‘na cheăng lêng đi đo châ tơku\m po tơniăn le\m. Kố xuân cho tơdroăng ki kơdo mơ-eăm kân khât vâ hlê ple\ng, ‘mâi rơnêu, thăm pêi pro tung rêm hơnăm vâ ai tơdroăng ki hơ’lêh nếo. {ă kơnôm ai tơdroăng ki to\ng kum dêi mâu vâi nôu pâ, dêi pơlê pơla, mê mâu tơdroăng ki rêh kâ ối tối tơdjuôm, hriâm tiô tơdroăng cheăng tung khu lêng tối krê hiăng pêi pro pơrá hiăng [lêi chiâng.

Cho ‘nâng, tá xê to vâ mơjiâng pro tíu ki xah ôm hêi ăm mâu vâi o hdrêng a pơlê kong kơdrâm, mâu vâi o hok tro ki ai tơdroăng xahpá, kơpong hơngế hơngo mê xuân châ Hngêi mơhno túa le\m tro rak ngăn to\ng kum ngăn khât tiah lâi ô pôa?

Kpă Y Khoa: Ai tơdjâk troh mâu tơdroăng cheăng hnê hriâm ‘na ki rơkê tơ’nôm kum ăm mâu vâi o hdrêng mê nôkố, bu ai to a Hngêi mơhno túa le\m tro vâi hdrêng râ kong pơlê. {ă mâu tơring, pơlê kong krâm, pơlê kong kơdrâm mê nôkố xuân tá hâi teăm ai, laga, bu xiâm ai iâ a mâu tơring tê. Xua ti mê, mâu tơdroăng ki hriâm tơ’nôm tơdroăng rơkê tơ’nôm dế nôkố [ă mâu vâi hdrêng a pơlê cheăm kơpong hơngế hơngo mê ối trâm hên tơdroăng pá puât, tá tung hriâm tâp xuân môi tiah túa ki hnê hriâm ki nếo.

Hngêi mơhno túa le\m tro vâi hdrêng xuân pói rơhêng vâ tơru\m [ă mâu khu pơkuâ cheăng a pơlê cheăm vâ pêi pro klêi mâu tơdroăng cheăng ki kố, la nôkố xuân u ối hên mâu tơdroăng ki tá hâi teăm chiâng pêi pro.

Mơnê kơ ngoh Kpă Y Khoa, Kăn pơkuâ ngăn Hngêi mơhno túa le\m tro vâi hdrêng Dak Lak.

Hương Lý chêh

Nhat Lisa tơplôu [ă tơebleăng