VOV4.Sêdang - Kơxo lơ 14/10, Vi ƀan pơkuâ Kuô̆k hô̆i hiăng mơgêi hneăng hôp roh má 4. Pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, ƀă tơdroăng thâ pêi rĕng, ai hnoăng cheăng, Vi ƀan pơkuâ Kuô̆k hô̆i hiăng pê klêi tâi tâng  mâu tơdroăng  pơtroh ăm hneăng hôp. Kăn xiâm hnê ngăn Kuô̆k hô̆i pơkâ thế mâu kơ koan tơrŭm cheăng thâ tơkŭm tŭm tâi mâu tơdroăng pâ thế dêi kuăn pơlê ing tơdroăng tơmâng xo mâu rôh trâm mâ kuăn pơlê, tơkŭm tâi tŭm tơdroăng púi vâ dêi kuăn pơlê ƀă kuăn pơlê tung lâp tơnêi têa pơtroh ăm  rôh hôp má 2 dêi Kuô̆k hô̆i hneăng 15.

Pôa Vương Đình Huệ, kăn xiâm hnê ngăn Kuô̆k hô̆i tối tơbleăng a hneăng hôp

Kăn xiâm hnê ngăn Kuô̆k hô̆i xuân tối thế rĕng pơkâ tơpui mơgêi hneăng hôp Vi ƀan pơkuâ cheăng Kuô̆k hô̆i roh má 4 pro xiâm ăm mau kơ koan dêi Kuô̆k hô̆i, Chin phuh pơtroh ăm tơrêm ngế kăn Kuô̆k hô̆i. Tối tơbleăng, malối tơbleăng séa ngăn tơniăn chêh ‘nâng ‘nâi, to tơdroăng kal, chêh nhên tơdroăng ki kuăn pơlê tơmâng vâ ‘nâi. Pôa Vương Đình Huệ pâ thế pê klêi mâu pơkâ, tơdroăng ki pro tơniăn ăm tơkŭm po hneăng hôp roh má 2 klêi tơniăn, pro tơniăn khât.

Gương tơplôu ƀă tơbleăng