Lơgât ôm hyô ngê̆ thuât Đà Lạt ăm vâ chê 60 tíu troh a tíu xiâm pơlê kong kơdrâm Đà Lạt ƀă mâu kơpong ki achê châ chêh ƀă nâl Ăng-glê ƀă nâl Xuăn. Lơgât châ pro chiâng 8 khu, môi tiah: Tíu roh ton nah mơnhông mơdêk ƀă tơmeăm ki kơnía, loăng pơlái kong kế, tíu mơđah tơbleăng ƀă tíu ngê̆ thuât, tíu mơđah nhak ƀă hía hé pro tơ’lêi hlâu ăm tơmối tơ’lêi troh ƀă châ tâ châ hlo kơpong ôm hyô, khôi túa lĕm, ngê̆ thuât.

Mơ’nui hơnăm 2023, Đà Lạt păng ‘nâng chiâng tơdroăng pơlê kong kơdrâm tơmiêt pêi rơkê UNESCO tung kơvâ nhak. Tơdroăng mơjiâng lơgât ôm hyô ngê̆ thuât Đà Lạt cho 1 tung 3 troăng pêi rơkê râ kong pơlê vâ pêi pro mâu tơdroăng ki xiâm hiăng tơkêa mot tung tơdroăng pêi pro, xuân môi tiah mơdêk hnoăng dêi khôi túa lĕm ƀă troăng tơmiêt pêi rơkê tung mơnhông krá tơniăn.