Ƀuôn Dơng Bắk, cheăm Yang Tao, tơring Lăk, kong pơlê Dak Lak châ ngăn cho môi tíu a Tây Nguyên ối ‘măn rak tơdroăng cheăng meăn pro tơmeăm ƀă tơ’nêi hneăn tiô chal ton nah dêi mơngế M’Nông Rlâm.

Kố cho tơdroăng cheăng pêi tiô chal ton nah dêi mơngế M’Nông, ƀă tŭm tơdroăng pêi to ƀă kŏng pơtâi ing bliê, meăn pro um, têng ƀă hlối pôh a on. Nôkố tơmeăm pro mê tơ’mot hên tơmối troh ngăn, mơnúa pêi.  La bú ối péa pái ngế tê ki rơkê, tâi tâng to vâi kơdrâi ối rak túa meăn pro tơmeăm.

Lâm ki hnê ƀă hlối pêi ƀă kŏng tơmeăm meăn pro  tơmeăm ƀă tơnêi hneăn dêi kuăn ngo M’Nông châ tơbleăng pêi xo ing kơxô̆ liăn ‘măn kơdĭng Tơdroăng tơkêa bro Pơtối rak túa lĕm tro ton nah ki kơnía git dêi mâu hdroâng kuăn ngo rơtế ƀă tơdroăng mơnhông ôm hyô dêi Tơdroăng pơkâ dêi tơnêi têa mơnhông cheăng kâ kơpong hdroâng kuăn ngo pơla hơnăm 2021-2030.

Veăng hriâm lâm ki mê ai 20 ngế cho vâi kơdrâi mơngế M’Nông ối a ƀuôn Dơng Bắk, cheăm Yang Tao. Mâu ki hriâm kô châ hriâm ƀă hlối meăn pro klêi mâu tơmeăm ki meăn ƀă tơnêi hneăn.