A tơdroăng pêi apoăng châ tơkŭm po, tơmối ƀă pơlê pơla châ tâng tâng hlo tôu chêng koăng, tôu chêng pro ing kơlá hlối kơhnhon xuăng ƀă krếo ôu drôu xua mâu khu ngê̆ nhân ƀă vâi hdrêng 2 ƀuôn Kmrơng A, cheăm Ea Tu ƀă Alê A, bêng Ea Tam mơđah tơbleăng. Roh kố, Khu pơkuâ Văn hok ngê̆ thuât Dak Lak ƀă Vi ƀan pơlê kong kơdrâm Ƀuôn Ma Thuột xuân tơrŭm tơkŭm po mơđah tơbleăng um ngê̆ thuât ƀă chêh chư lĕm koh rơnó Hơhngui Giáp Thìn.

Ƀă 80 kơtâ um ki má môi châ rah ing mâu um ki má môi roh tơ’noăng um ‘na pơlê kong kơdrâm Ƀuôn Ma Thuột, mơđah tơbleăng hlối tơdjêp ƀă mâu tíu ‘măn um chư chêh lĕm ƀă nghê̆ thuât chêh chư a pía kái, ‘măn tung kơdrum reăng kơpong kơchơ reăng, loăng ki mơnâ mâ ngăn ƀă ngê̆ thuât tiô khôi vâi krâ nah a Plông kân 10/3.