Péa chât hơnăm hdrối, túa lĕm tro chêng koăng châ rak vế ƀă mâu túa ki ‘mâi mơnhông mâu tơdroăng po mơdĭng chal krâ, rak vế mâu đô̆i ki tŏn chêng koăng, po lâm hnê ăm mâu phô̆m vâ xông kân, mơđah tơbleăng tơdroăng ki tŏn chêng koăng kố troh mâu kong têa vâi e, tro ƀă rak vế ƀă mơjiâng pro ôm hyô túa lĕm tro.

Krê a Dak Lak, 20 hơnăm hdrối, kong pơlê hiăng hbru ăm 214 kơtum chêng ƀă lối 1.140 plâ ếo pơtâk chal krâ; tơkŭm po 26 to lâm hnê tŏn, tôu mâu proâ hdroâng kuăn ngo, túa kơxoăng, ‘muăn hdrôu, tăng tơkŭm, ‘mâi mơnhông mâu ƀai chêng chal krâ dêi mơngế Rơđế, M’Nông; pôk diâp ƀă diâp inâi Ngê̆ nhân ưu tú ăm 45 ngế ngê̆ nhân.

Tiô pôa Đào Mỹ, Phŏ kăn hnê ngăn kong pơlê Dak Lak, ing rôh po hôp kố, kong pơlê châ tơmâng xo hên mâu rơkong tơpui tối, tơbleăng ki kơnía vâ rak vế, mơnhông tâ nếo tơmeăm túa lĕm tro chêng koăng.