Tơdroăng ki hnê tôu hơkâ péa ngế - koăng pái – chêng pơtăm cho tơdroăng ki ối tung tơdroăng tơkêa kơxô̆ 6 Tơdroăng pơkâ pêi dêi tơnêi têa mơnhông cheăng kâ rêh ối pơlê pơla kơpong hdrông kuăn ngo ƀă kong ngo ‘na “Rak vế, mơnhông ki kơnía túa lĕm tro chal krâ tơniăn lĕm dêi mâu hdrông kuăn ngo tro ƀă mơnhông ôm hyô” xua Khu ngăn Túa lĕm tro, Tơ’noăng ivá ƀă Ôm hyô Dak Lak tơkŭm po.

Tung lối 2 khế hriâm tâp, mâu vâi o hok tro ƀă mâu droh rơtăm cheăm Xuân Lãnh châ mâu ngê̆ nhân hnê kih thuât tôu hơkâ péa ngế, koăng pái, chêng pơtăm rơkê; kơhnhon xuăng mâu ƀai ki tro ƀă mâu rơrêk chêng, ƀai chêng. Klêi hriâm, mâu vâi o châ hnê tơ’nôm vâ chiâng mâu ngế ki pơtó cheăng rak vế mâu ki kơnía túa lĕm tro khôi hmâ tơniăn lĕm dêi hdrông kuăn ngo tơná.