Tơkŭm po troh tâi hâi lơ 20/8 la ngiâ, Mơđah tơbleăng um kơchuâ chêng koăng mơngiơk mơđah tơbleăng 50 tơmeăm ai hên mơngiơk ki lĕm dêi 24 ngế ki kơchuâ um, ngế tơrŭm, ngế pêi cheăng dêi Khu pơkuâ Văn hok ngê̆ thuât Dak Lak. Rêm tơmeăm môi mơngiơk krê, xúa hên tơmeăm môi tiah têa sơn yầu, têa sơn mài, mơngiơk têa, ƀă hía hé.

Mâu tơmeăm kơchuâ mơhno tơdroăng rêh ối a pơlê, mâu tơmeăm ki hmâ xúa tung tơdroăng rêh ối mâu hdroâng kuăn ngo a pơlê mê, mâu loăng kong, kơdrum reăng mâ hâi kong trĭng ƀă hía hé, mơjiâng môi tíu ngê̆ thuât ki má môi, gok gâ dêi Tây Nguyên.

Tung tơdroăng, Chi hô̆i ngăn ‘na kơchuâ um Dak Lak xuân tơkŭm po tơpui tơno dó inâi ‘’Mih thuât Dak Lak mâu tơdroăng...’’ vâ kum ăm kuăn pơlê hâk vâ um kơchuâ châ tơmâng mâu ngế kơchuâ tơpui tơno ‘na tơdroăng kơchuâ pro ƀă djâ tơmeăm troh achê tâ ƀă kuăn pơlê.