Tung chôu phut hơniâp ro, mâu kăn ƀă mâu ngế ki ngăn hiăng châ hmâng 12 tơdroăng hơdruê dêi hên túa tơdrá ki pơrá phá dêi rơpó. Tung kơxô̆ ki mê, ai hên mâu tơdroăng rơhdruê pro tơhmâ ƀă chuăn rơlố, tơdroăng vâi pú ki veăng tơplâ, mâu mố đô̆i mê cho tơdroăng: “Pơtroh ngoh ki ối a chuăn rơlố hơngế tíu tơkăng kong”, “Pú nôkố ối xêh a Gạc Ma”, “Idrâp chuât đi đo Truông Bồn”, “Ăm kuăn krôu hôm chiâng há”, “Tơdroăng chôu pâ tung kong mêi”.

Mâu tơdroăng hơdruê mơhno tơdroăng pâ dêi pơlê pơla tơnêi ƀă pơ-eăng ki lĕm dêi kơpong tơnêi ngế hriăn chêh bro tơdroăng hơdruê mê dế rêh ối,  pêi cheăng, môi tiah: “Ôu kơphế Ban Mê Thuột”, “Pong o pôu”, “Ối kong xêi Krông Bông”, “Tung pơla ăm hlo Drei Nao”. Mê cho mâu tơdroăng hơdruê ki nếo hriăn chêh bro dêi 2 ngế cho Châu Phan ƀă Dương Tấn Bình. A tơdroăng, mâu ngế hriăn chêh rơtế tơpui tơno, trâm mâ, tối ăm mơngế ki ngăn ki hmâng ‘nâi ‘na tơdroăng tung pơla hriăn chêh bro, chôu phut ki pơxiâm hriăn chêh mâu tơdroăng hơdruê.