Teăn hmôu jiâ cho môi tơdroăng cheăng pêi tiô túa ton sap ing nah, cho túa vêa vong dêi hên hdroâng kuăn ngo. Ƀă mơngế Rơđế, cheăng teăn hmôu jiâ hmâ hlo vâi kơdrâi tê teăn, pơtối rak vế pêi pro tiô tơrêm rơxông ƀă châ pơtối rak  ta troh nôkố.

Kâu lak ƀô̆ teăn hmôu jiâ dêi mơngế Rơđế ƀuôn Drai Hling, châ mơjiâng tiô pơkâ dêi Vi ƀan pơlê kong kơdrâm Ƀuôn Ma Thuột, ai 15 ngế cho vâi kơdrâi Rơđế a 3 pơlê tung cheăm Hòa Xuân veăng teăn. Kố cho tơdroăng cheăng pêi tiô pơkâ dêi khu xiâm ngăn Túa lĕm tro, Tơ’noăng Ivá ƀă Ôm hyô kong pơlê Dak Lak ‘na tơdroăng tơkêa bro “Pơtối rak ki kơnía túa lĕm tro ton nah mâu hdroâng kuăn ngo rơtế ƀă mơnhông ôm hyô” dêi tơdroăng Pơkâ dêi tơnêi têa mơnhông cheăng kâ rêh ối kơpong hdroâng kuăn ngo ƀă kong ngo, sap ing kơxô̆ liăn pêi cheăng hơnăm 2022 - 2023.