Riân troh nôkố, hiăng ai vâ chê 30 khu chêng koăng, lối 430 plâ ếo pơtâk vâi krâ nah châ xoăng ăm kum rak vế ƀă mơnhông khôi túa lĕm tro chêng koăng a Dak Lak. Pơtối mê, hơnăm kố Khu hiăng xoăng 8 khu chêng koăng knah Rơđế ƀă vâ chê 130 plâ hmân ếo pơtâk vâi krâ nah hdroâng kuăn ngo Rơđế ăm mâu khu tôu chêng koăng, khu hơdruê xoâng a 9 pơlê, 1 hngêi trung râ má pái hdroâng kuăn ngo ai tíu kâ koi ối pơtê ƀă 1 khu hơdruê xuăng râ cheăm ối tung 7 tơring, pơlê krâm dêi kong pơlê Dak Lak.

Kố cho hơnăm má 4 Khu pơkuâ ‘na mơhno khôi túa lĕm tro – tơ’noăng ivá ƀă Ôm hyô kong pơlê Dak Lak xuăng ăm chêng koăng ƀă hmân ếo pơtâk vâi krâ nah ăm mâu khu tôu chêng, khu hơdruê a mâu thôn, pơlê.

Ki rơhêng vâ tối hơnăm kố, rơtế ƀă kơxô̆ liăn ki ai dêi kong pơlê, ối ai kơxô̆ liăn tŏng kum ing Tíu xiâm tơrŭm cheăng lâp plâi tơnêi kong pơlê Jeollabuk, Hàn Quốc tiô tơdroăng xiâm tơdroăng tơkêa bro tŏng kum kih thuât rak vế ƀă mơnhông ki kơnâ khôi túa lĕm tro ‘na hiâm mơno a Dak Lak.