Kố cho môi tung 3 tơdroăng ki kal dêi Măng tĭng Leh xuăng Việt Nam hơnăm 2024, Tơ’noăng xuăng hdroâng mơngế Việt Nam ai 16  ngế hriăn chêh pro hnê mơhno ƀă 18 ƀai xuăng ƀă 150 ngế veăng xuăng. Mâu ngế hriăn chêh pro lo ing khu ngăn ‘na xuăng dêi mâu kong pơlê, pơlê kong kân, kong kơdrâm, mâu hngêi trung ngê̆ thuật, Khu ki hmâ xuăng tung lâp tơnêi têa ƀă mâu ƀai xuang hên túa pơrá pá dêi rơpó.

Ƀă tơdroăng tơpui tơdrăng, tơdâng tơ’mô, Hô̆i đong Khu châm điêm Tơ’noăng ƀai xuăng hdroâng mơngế Việt Nam môi tuăn pơkâ diâp ăm 3 pri A; 6 Pri B. Klêi leh mơgêi, diâp pri tơ’noăng xuăng hdroâng mơngế Việt Nam, Khu ngê̆ sih xuăng Việt Nam ƀă Vi ƀan kuăn pơlê dêi kong pơlê Kon Tum xuân tơkŭm po leh mơgêi măng tĭng xuăng Việt Nam hơnăm 2024 ai pơxá “Dòng sông ánh sáng”.