
*** Vâ rak vế tơmeăm kơnía khôi túa lĕm tro ‘na chêng koăng tung tơdroăng rêh ối pơlê pơla mơngế hdroâng kuăn ngo, hơnăm hiăng hluâ, kơvâ cheăng a kong pơlê Kon Tum hiăng tơkŭm po hên lâm hnê tôu, kih thuât tôu chêng koăng, axuăng ƀă mâu ƀai chêng tiô khôi vâi krâ nah ăm droh rơtăm.

Ngê̆ nhân hơnăm ối nếo A Huyền cho rơtăm ngế Rơteăng hiăng tơdrêng hnê ăm 30 ngế hriâm a pơlê kân Đăk Tô ‘na tôu, kih thuât tôu chêng koăng, axuăng ƀă mâu ƀai chêng tiô khôi vâi krâ nah dêi mơngế Rơteăng.
“Xua á hlo nôkố rơxông mâu ngế krâ chiâng tôu chêng, klông put ôh tá hên xếo, xua mê á tơmiât thế pơtó ƀă hnê ăm mâu rơxông ối nếo, hnê ăm rơxông nếo ‘nâi kố cho kế xah tiô khôi vâi krâ pin nah ‘nâi, pin thế mơnhông gá, vâ pú hmâ tung tơnêi têa ƀă kong têa ê ‘nâi hên tâ ‘na khôi túa vâi krâ nah dêi pin, kế xah hdroâng kuăn ngo pin’’.

*** Klêi hriâm hneăng lâm hnê ƀă tơdroăng lăm hriâm a kong ê tiô kơvâ tơná pêi cheăng kơchuâ chêh chêp ếo pơtâk a Malaysia, ngoh K’Jô Na (kuăn ngo K’Ho) hiăng vêh dêi a pơlê hlối pơxiâm kơchuâ chêh chêp ếo pơtâk, pro hên tơmeăm chêp ƀă prế túa teăn hmôu dêi kuăn ngo a pơlê kong kơdrâm Đà Lạt, kong pơlê Lâm Đồng. Ngoh K’Jô Na tối:
“Á cho mơngế kuăn dêi hdroâng K’Ho mê a hÂk vâ ‘nâng ƀă tô tuăn tơdroăng ton nah dêi kuăn ngo tơná. Tung mê, hmôu jiâ cho tơmeăm túa lĕm tro hmâ ƀă tơná sap ối kŭn drêng jâ, nôu á ối ‘nân teăn. Drêng hiăng kân mê á vâ tơbleăng tơmeăm troh hên kuăn pơlê tâ, hên tíu tâ. A xuân púi vâ ƀă tơdroăng pêi ai pơxúa khât tơdroăng cheăng tơná kơchuâ chêh hdró chêp dêi mê cho chêm ƀă hmôu jiâ kuăn ngo Tây Nguyên kô troh achê tâ ƀă tâi tâng rêm ngế, nếo lĕm tâ, tiô túa nếo kum rêm ngế hâk vâ tâ túa vêa vong dêi kuăn ngo” .
Viết bình luận