Hneăng leh mê, dó inâi “Quảng Ninh-Hokkaido: Tơrŭm mơhno túa lĕm tro kro mơdrŏng mơngiơk”, Leh mơdĭng ki apoăng châ tơkŭm po a Việt Nam a kĭng têa kơxĭ Ving Hạ Long, tơmeăm khoăng ki kơnía git dêi lâp plâi tơnêi hiăng tơ’mot châ lối rơpâu ngế kuăn pơlê troh lăm ngăn ƀă ai hiâm tuăn hlê plĕng nhên mâu khôi túa, vêa vong ki hơniâp ro dêi 2 kong pơlê ƀă 2 to kong têa.

Leh mơdĭng Hokkaido a Hạ Long hơnăm 2023 ƀă mâu tơdroăng cheăng koh tơbâ 50 hơnăm tơrŭm cheăng pơla Việt Nam - Nhuk pá môi hdroh nếo vêh mơnhên tơrŭm cheăng ki achê dêi pó, nhŏng o, tơrŭm ƀă mơnhông dêi khu kăn xiâm ƀă kuăn pơlê peá pâ tơnêi têa Việt Nam ƀă Nhuk tối tơdjuôm, kong pơlê Quảng Ninh ƀă kong pơlê Hokkaido tối krê tung mâu hơnăm hdrối mê hía nah.