Tung khu 14 ngế nghê̆ nhân troh Hàn Quốc roh kố, Rcom Bus, kot mâ hơnăm 2022, ối a Pleiku Roh, bêng Yên Đỗ, pơlê kong kơdrâm Plei Ku cho ngế ki nếo má môi. Ngoh tối ăm ‘nâi, á kô veăng tâi ivá tơná tŭm 7 ƀai tung tơdroăng mơđah tơbleăng xŏn 40 phut. Mê cho 2 ƀai chêng, ƀă mâu ƀai xah ting ning, kơni, hlŭm rơvŏng, rơhdruê, rơngêi.

Rčom Bus tối ăm ‘nâi, mâu ƀai mê pơrá ro tơniâ, phiu niu, tơbleăng ăm pú hmâ lâp plâi tơnêi ‘na ki lĕm, tơ’lêi dêi kế xah vâi krâ nah ƀă tơdroăng rêh ối tơ’lêi dêi hdroâng kuăn ngo Tây Nguyên. Leh hô̆i hơnăm kố kô pơxiâm po a hâi lơ 15/9, troh tâi hâi lơ 24/9 a Tíu xiâm nghê̆ thuât Sori, kong pơlê Joenbuk, Hàn Quốc. Kố cho roh apoăng mâu kế xah ƀă mâu tơdrá vâi krâ nah dêi mơngế Jarai châ mơđah tơbleăng a Hàn Quốc.