Kố cho môi tung mâu tơdroăng leh mơdĭng tiô khôi vâi krâ nah ki krê xêh dêi mâu pơlê hdroâng kuăn ngo a kong pơlê Gia Lai, ối tung Tơmeăm mơhno khôi túa lĕm tro ‘na chêng koăng Tây Nguyên.

Mơdĭng xối pleăng rơkâu pâ kong mêi cho mơdĭng tiô khôi vâi krâ nah nah dêi hdroâng kuăn ngo Bơhnéa ƀă mâu hdroâng kuăn ngo ki ê a Tây Nguyên, hmâ châ tơkŭm po a hdrối pơxiâm rơnó báu chiâk deăng tung hơnăm, rơkâu pâ mêi tro tô ‘ló, iâ pơreăng kâ ‘nhê, tơmeăm khoăng ngiât drêh lĕm.

Kố xuân cho roh vâ kuăn pơlê a mâu pơlê ai roh tơdjuôm tơdroăng phiu ro. Tiô Vi ƀan tơring Đăk Đoa, tơdroăng vêh pro mơdĭng xối pleăng khôp pâ kong mêi a pơlê Hnap cho môi tung tơdroăng tơkêa bro rak vế ƀă mơnhông ki kơnâ khôi túa lĕm tro vâi krâ nah dêi mâu hdroâng kuăn ngo ƀă ối pro krá tơdroăng rŭm môi tuăn tung pơlê pơla, veăng kum mơdêk tơdroăng mơnhông cheăng kâ – rêh ối pơlê pơla a mâu pơlê.