Hên tơdroăng cheăng ‘na túa lĕm tro ăm vâi hdrêng Dak Lak rôh hâi vâi hdrêng Lâp plâi tơnêi
Thứ ba, 05:00, 02/06/2026
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - A Tíu ‘măn rak tơmeăm khoăng Dak Lak po hên tơdroăng hnê hriâm, lăm ngăn ƀă inâi ‘Hơniâp ro hâi pơtê hriâm”. Tơdroăng cheăng kố drêng Hâi vâi hdrêng Lâp plâi tơnêi 1/6 ƀă pêi pro Hâi Hyôh kong prâi Lâp plâi tơnêi 5/6, pro chiâng tíu ki xah hêi ăm vâi hdrêng kơpong tíu xiâm Buôn Ma Thuột ƀă mâu cheăm bêng ki achê
Tơdroăng kố ai hên tơdroăng pêi pro túa lĕm tro, ngê̆ thuât ƀă hnê hriâm ‘na kong prâi tơnêi tơníu ăm vâi hdrêng ƀă rơpŏng hngêi vâi môi tiah: tăng ‘nâi, tŏn tôu mơnúa ngăn mâu proâ chal krâ dêi mâu hdrông kuăn ngo Rơđế, M’Nông, Jarai; po ngê̆ thuât “Kơphế lĕm – Idrâp chuât xtó lâp kong”; mơđah hơdruê xuăng vâi hdrêng; kơchuâ um, hriâm tĕn ếo pơtâk chal krâ Rơđế, mâu workshop pêi pro rơkê sap ing hlá loăng, tơmeăm ki ‘mâi pro; tĕn ếo pơtâk, pro kế ƀă kŏng ing pơchế tĕn ƀă xâp mơnúa ngăn ếo pơtâk chal krâ Rơđế.
Tiô jâ Võ Thị Phượng, Kăn pơkuâ Tíu ‘măn rak tơmeăm Dak Lak, rôh tơkŭm po kố cho vâ pro tíu ki châ mơnúa ngăn túa lĕm tro, tơmeăm kơnía lĕm tơviah ăm vâi hdrêng.
Viết bình luận