Măng tĭng mơhno túa lĕm tro – Ôm hyô Gia Lai hơnăm 2023 kô po sap ing hâi lơ 11 troh hâi lơ 19/11 a pơlê kong kơdrâm Plei Ku, tơring Čư̆ Pah ƀă tơring Ia Grai, kong pơlê Gia Lai tung mê ai mâu tơdroăng: Leh pơxiâm po Măng tĭng Mơhno túa lĕm tro – Ôm hyô Gia Lai hơnăm 2023; po mâu tơdroăng mơhno túa lĕm tro chêng koăng kong pơlê Gia Lai hơnăm 2023 ƀă tơdroăng ki veăng dêi vâ chê 1 rơpâu ngế ngê̆ nhân lo ing 5 to kong pơlê kơpong Tây Nguyên.

Rôh po kơchơ tê mơdró ƀă mơđah tơbleăng kế tơmeăm pêi lo ing chiâk deăng dêi kong pơlê Gia Lai; Măng tĭng Reăng mâ hâi kong – Ngo on Čư̆ Đang Ya hơnăm 2023; Rôh tơ’noăng kơtâu “Gia Lai city trail 2023 – Tơdroăng tơmiât ‘na kong kế kân”; Rôh tơ’noăng vo plong loăng a kroăng Pô Cô tơ’noăng cup A Sang ƀă po rôh tŏn chêng koăng tơring Ia Grai; mơđah sap ếo pơtâk hdroâng kuăn ngo, tơ’noăng kơhnhon xuăng ƀă hên ki ê.

Măng tĭng Mơhno túa lĕm tro – Ôm hyô Gia Lai hơnăm 2023 châ po vâ tơbleăng, mơđah mâu kế tơmeăm ki kơnía, hơniâp dêi kong pơlê Gia Lai, malối cho rôh mơhno túa lĕm tro chêng koăng Tây Nguyên.