Kố cho môi tơdroăng pêi pro vâ koh tơâ 120 hơnăm hâi mơjiâng kong pơlê Dak Lak. Tơdroăng pêi pro pá kơdâm loăng Long Não ki kân tung kơdrum Biệt Điện Bảo Đại, pơlê kong kơdrâm Buôn Ma Thuột. Tung chôu phut tơbleăng hên mơngiơk ƀă idrâo chuât rơdêng, mơngế ki ngăn troh châ ngăn vâi mơđah prôk pơtăng sap ếo pơtah kuăn ngo Rơđế, Bơhnéa, Jarai... xua ngế hriăn kơchuâ chêp Đặng Thị Minh Hạnh.

Tơdroăng mê pro krip, tơkŭm hên tơbâ mâu tơdroăng cheăng pêi ƀă kŏng môi tiah teăn hmôu, jiâ, teăn pong chêa, dĭng duôm, pong rơgi um loăng, pro tơmeăm meăn ƀă tơnêi hneăn, ƀă hên ki ê... Tơdroăng pêi pro mê xuân veăng tơbleăng um méa Ƀuôn Ma Thuột kro mơdrŏng, hên nhâ loăng kuăn kiâ, túa vêa vong, veăng mơjiâng, pơtối rak khu ki môi tuăn mâu hdroâng kuăn ngo tung kong pơlê Dak Lak.