Kố cho môi tung 3 to lâm ki châ tơkŭm pêi pro tiô tơkêa 6, Tơdroăng pơkâ dêi tơnêi têa ‘na mơnhông mơdêk cheăng kâ rêh ối pơlê pơla kơpong hdroâng kuăn ngo ƀă peăng kong ngo tung hơnăm kố a Dak Lak.

Lâm hnê tŏn chêng ƀă kơhnhon xuăng M’Nông a cheăm Yang Tao ai 32 ngế hriâm hơnăm sap ing 13 – 54 hơnăm. Tung pơla 1 khế, mâu ngế ki hriâm kố kô châ hriâm mâu túa kơxuăng ƀă tŏn 3 ƀai chêng M’Nông xua mâu ngê̆ nhân a cheăm hnê ăm.

Lâm hriâm kố cho vâ hbrâ rơnáu mâu tơdroăng ki xiâm ‘na tŏn chêng ƀă tơgôu koăng ăm vâi o  rơxông nếo mâu droh rơtăm ƀă kuăn pơlê. Po ăm tơdroăng ki hâk vâ tŏn chêng, thăm mơdêk ki hlê plĕng tung rak vế khôi túa lĕm tro hdroâng kuăn ngo, mơdêk ki kơnía dêi kế tơmeăm mơhno túa lĕm tro chêng koăng Tây Nguyên.