Cho môi tung mâu hdroâng kuăn ngo ki mot rêh ối a Dak Lak, kuăn pơlê mơngế Thái a Hòa Phú  ki hên lo ing mâu kong pơlê Tây Bắc, mê cho: Sơn La, Lai Châu... Nôkố cheăm Hòa Phú ai vâ chê 600  rơpŏng mơngế Thái ƀă lối 2.000 pơ’leăng mâ mơngế. Mâu hơnăm achê kố, tơdroăng rêh ối cheăng kâ dêi kuăn pơlê rế hlo tơƀrê. Vâi xuân pơtối rak mâu túa lĕm tro dêi kuăn ngo tơná tung mâu hâi mơdĭng, hâi leh, Têt.

Mâu lăk ƀô̆ Túa lĕm tro ton nah dêi kuăn ngo Thái châ mơjiâng pro ai vâ chê 30 ngế cho kuăn ngo Thái ai tơdroăng hâk vâ ƀă pơtối rak túa lĕm tro ton nah dêi jâ pôa dế pơtối rak vế a cheăm Hòa Phú.  Tơdroăng mơjiâng Kâu lak ƀô̆ vâ pơtối rak vế mâu túa lĕm tro ton nah môi tiah túa xuâng xòe Thái, nâl tơpui, chư chêh, ếo pơtâk, mâu túa pro mơdĭng.

Ing mê, pro chiâng tíu xah hêi ki tro ƀă cho tíu tơkŭm hôp dêi mâu kuăn ngo Thái tung kong pơlê tối tơdjuôm ƀă pơlê kong kơdrâm Ƀuôn Ma Thuột tối krê.