Ƀă tơdroăng pơxá “Hơnăm ối nếo Dak Lak djâ troăng a hdrối pêi pro, púi vâ mơ-eăm mơjiâng kong pơlê Dak Lak kro mơdrŏng, rơkê plĕng, hên túa lĕm tro”, tơdroăng ki kal tung tơ’noăng dêi hơnăm ối nếo Dak Lak tơkŭm á mâu tơdroăng pơkâ mê cho: pêi pro 120 tơmeăm khoăng ƀă 1.200 tơdroăng cheăng dêi droh rơtăm veăng mơjiâng thôn pơlê nếo ƀă kơphô̆ rơkê plĕng; tơkŭm po 120.000 droh ngế đoân viên, droh rơtăm veăng Tơ’noăng tăng’nâi plĕng “Tơdroăng ton nah 120 hơnăm mơjiâng, mơnhông kong pơlê Dak Lak “.

Kơjo kum đoân viên, droh rơtăm pêi 300 tơdroăng tơmiât, hriăn plĕng ki nếo; hnê tơdroăng cheăng, tơbleăng ƀă tăng cheăng pêi ăm lối 30.000 ngế đoân viên, droh rơtăm. Nâ Pham Thị Trinh, Kăn phŏ hnê ngăn Đoân Droh rơtăm kong pơlê Dak Lak ăm ‘nâi mâu pơkâ mơhnhôk tơ’noăng xuân cho mâu pơkâ ki kal tung mâu tơdroăng cheăng ƀă tơdroăng mơhnhôk droh rơtăm pêi cheăng tung hơnăm kố.

Ing mê, mơdêk hnoăng cheăng tơkŭm po dêi Đoân Droh rơtăm tung tơrŭm môi tuăn tơkŭm mâu droh rơtăm kơhnâ rơtế ƀă dêi rơpó mơjiâng pơlê  tơná xông tơƀrê.