Rơtế amê cho mâu tơdroăng tơpui tơno, tơbleăng mơ-éa “Ngế hơnăm ối nếo ai hnoăng cheăng pôu râng”, mơđah tơbleăng um “Ivá hơnăm ối nếo Khế 3” ƀă tơbleăng pêi pro măng tĭng 2 rôh tơ’noăng tăng ‘nâi tơdroăng ton nah 120 hơnăm mơjiâng, mơnhông kong pơlê Dak Lak.

A rôh hôp, mâu ngế ki châ krếo hiăng rơtế tơpui tơno ‘na tơdroăng ki kal dêi kơxop mơ-éa “Ngế hơnăm ối nếo ai hnoăng cheăng pôu râng” xua Nhà xuất bản Chính trị Quốc gia Sự thật tơbleăng hơnăm 2023. Kơxop mơéa kơbo 350 trang, ƀă 23 ƀai chêh cho tơkŭm mâu ƀai chêh dêi khu chêh hlá tơbeăng, hriăn ngăn dêi mâu kăn pơkuâ Đảng, tơnêi têa; Đoàn, Hô̆i, khu chêh hlá tơbeăng, khu mơdró kâ a hên inâi ki pơra phá dêi rơpó. A rôh po tơdroăng, Khu tơkŭm po xuân mơđah tơbleăng lối 50 mơ-éa um inâi ‘Ivá hơnăm ối nếo Khế 3”, mơhno hên um ki lĕm ‘na mâu tơdroăng, tơdroăng cheăng dêi hơnăm ối nếo Dak lak tung mâu kơvâ cheăng.