Kơxê hâi lơ 27/7, khu tơ’noăng ivá dêi Ngế ki hnê cho Mai Đức Chung trâm khu tơ’noăng ivá vâi kơdrâi Bồ Đào Nha, xuân cho môi khu ki nếo dế rơhêng vâ châ ƀlêi tung rôh tơ’noăng. Bảng E dêi World Cup khu kơdrâi 2023 dế po troăng tro tiô tơdroăng chêh pơkâ hiăng châ tối ing hdrối nah. Ngế ki châ ối má môi lâp plâi tơnêi dêi Mih ƀă Ngế ki châ pơxá rơkê má môi Á quân Hà Lan rơtế châ ƀlêi iâ rôh tơ’noăng ki  apoăng.

Tung pơla mê, péa khu ki nếo dêi Bồ Đào Nha ƀă Việt Nam xuân hâi ai điêm ki lâi ôh la rơtế trâm dêi rơpó tơ’noăng a 19h30 (tiô chôu kong têa kố), tơkéa vâ tối 14h30 (tiô chôu Viêt Nam) hâi lơ 27/7. Luâ tơdroăng tô tuăn “ ôh tá ai vě vâ prôk pơtối, mâu khu tơ’noăng ivá dêi Bồ Đào Nha ƀă Việt Nam ai tuăn mơ-eăm khât vâ pleăng hnoăng tơná lối 100% ivá, xua rôh tơ’noăng ki tá hâi chói hlo sap ing nah tung rôh apoăng tơ’noăng ki kân má môi lâp plâi tơnêi.

A Ƀảng chêh pơxá ối má to lâi FIFA, Bồ Đào Nha dế ối má 21, Việt Nam ối má 31, xua mê khu kơtu ƀa long ing châu Âu châ khěn kơdeăn hên tâ kơ khu teăng mâ dêi Đông Nam Á.