Têt Bunpimay tơkŭm po ƀă mâu leh tiô khôi vâi krâ nah dêi mơngế Lếo, môi tiah: mơhum Phop, khôp pâ hơnăm nếo; ƀá kơxái prế a kŏng pâ châ pon mơhúa, tơbêng tíu koh tơbâ khôp pâ kro mơdrŏng, mơnhông mơdêk, kơ’nêi reăng a têa kroăng, mơđah tơbleăng âm nhak tiô khôi vâi krâ nah, kơhnhon xoăng lăm vông.

Ki má môi tung leh tơbleăng hơnăm kố drêng apoăng ai leh tơdah Nàng Chúa Xuân Nang Sang Khane, kơhnhon xuăng lăm vông ƀă kơxái têa mơđah tơbleăng a troăng ƀuôn Trí mot tung tíu xiâm ôm hyô Kông vế ƀă Rơlố Ây Nô. A kố, kuăn pơlê ƀă tơmối châ veăng châ tâ tơdroăng môi tiah trâm mâ mơhno khôi túa lĕm chêng koăng, mơđah tơbleăng kế xah Lếo; tơ’noăng “pế kơchâi kâ pơlê rơlố’’ ƀă ‘’mơngiơk ếo pơtâk hdroâng kuăn ngo Tây Nguyên’’; châ hlo châ tâ pro rơnuâ ăm rui, xup um rui rơtế tơmối.