Kon Tum: pơtối pêi tơƀrê 5 khu rơdêi pleăng hnoăng cheăng pêi tŏng kum rĕng mâu ngế trâm xía vâ a troăng prôk
Thứ ba, 13:51, 19/09/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Hâi lơ 18/9, a pơlê kân Đăk Tô, tơring Đăk Tô, Khu pơkuâ ngăn Đoân Kon Tum tơkŭm po Hâi khu droh rơtăm ƀă túa lĕm tro troăng prôk pêi pro tơdroăng cheăng Khế tơniăn troăng prôk hơnăm 2023.
A hâi leh, Khu pơkuâ ngăn Đoân droh rơtăm Kon Tum tơbleăng pơkâ mơjiâng, pơtối rak vế pêi tơƀrê 5 Đô̆i mâu rơtăm pleăng hnoăng tơná veăng pơlât tơdrêng, pêi rĕng drêng trâm xía vâ troăng prôk a troăng kân Hồ Chí Minh troh a hơnăm 2027, châ mơhno pêi cheăng a 5 to cheăm dêi 4 tơring drô troăng kân Hồ Chí Minh, mê cho: cheăm Đăk Man, Đăk Môn, tơring Đăk Glei; cheăm Đăk Dục, tơring Ngọc Hồi; cheăm Tân Cảnh, tơring Đăk Tô ƀă cheăm Đăk Mar, tơring Đăk Hà.
Ƀă kơxô̆ mơngế rêm Khu ai sap 10 troh 13 ngế đoân viên, mâu rơtăm, drêng trâm xía vâ drô troăng kân Hồ Chí Minh mâu ngế tung Khu mê kô troh a tíu ai ngế trâm xía vâ, pơlât tơdrêng rĕng vâ kơdroh rong râ, hlâ mơngế ƀă vâ rak tơmeăm khoăng dêi mơngế ki trâm xía vâ.
Viết bình luận