Mơđah tơbleăng 150 to kơtâ um sap ing hâi Hà Nội nếo pơxiâm po rơdâ tíu cheăng lơ 1/8/2008 troh nôkố. Ing mê, mơhno tơrêm tơdroăng ki mơnhông cheăng kâ rêh ối pơle pơla tơdroăng rêh ối kuăn pơlê, tơpui kâ, gâk kring pơlê pơla cheăm bêng ƀă hên ki ê dêi Pơlê kong xiâm 15 hơnăm hdrối nah, tối rơdêi khŏm mơ-eăm po rơdâ tơnêi tơníu Pơlê kong xiâm cho tơtro.

Mơđah tơbleăng ƀă mâu um ki lĕm, ki tơviah ‘na Pơlê kong xiâm Hà Nội – plâi nuih dêi tơnêi têa, ƀă môi ngiâ méa nếo, dế mơ-eăm tơná mơnhông rơdêi, châ hên tơdroăng ƀlêi chiâng kân, tơxâng cho tíu xiâm tuăn ngoâ kal kí – liăn ngân tơnêi têa, tíu xiâm kân ‘na mơhno túa lĕm tro, khoa hok, hnê hriâm, cheăng kâ ƀă tê mơdró ƀă kong têa ê dêi lâp tơnêi têa.

Mơđah tơbleăng kố veăng kum bro tơdroăng hâk tơngăm, mơhnhôk kăn ƀô̆ đảng viên ƀă kuăn pơlê tơrŭm, tơdjuôm ivá môi hiâm mơno, khŏm mơ-eăm mơjiâng pơlê kong xiâm rế hía rế lĕm ro, rơkê plĕng.