Tơdroăng kố a Dak Lak tơkŭm po sap ing kố troh tâi hâi lơ 3/12 la ngiâ, mơđah tơbleăng 31 um méa, pano ƀă tơmeăm, mâu tơmeăm pleăng ki má môi vâ tơbleăng troh kuăn pơlê ƀă tơmối a Dak Lak.

Tơdrêng amê, tung măng tĭng apoăng tơkŭm po mơđah tơbleăng, khu vâ chê 20 ngế kăn ƀô̆, mơngế cheăng dêi Tíu chôu  ‘măn tơmeăm khoăng ton nah Hùng Vương kong pơlê Phú Thọ kô ai mâ a Tíu chôu ‘măn tơmeăm khoăng ton nah Dak Lak vâ mơđah tơbleăng mâu tơdroăng hơdruê Xoan chal ton nah kum ăm mâu khu tơmối ôm hyô troh lăm ngăn. Ing mê pơtâng tối, tơbleăng rơdâ tơmeăm mơhno khôi túa lĕm tro, tơmeăm ôm hyô ki phá tơ-ê dêi Phú Thọ.