Tung 3 hâi (sap lơ 8/9 troh lơ 10/9) ai lối 800 ngế ngê̆ nhân, mâu ki mơđah, tơ’noăng tung kuăn pơlê dêi 11 khu ki lo ing mâu kong pơlê, pơlê kong kơdrâm kơpong Tơdế tơnêi têa hiăng tơ’noăng mâu môn pơtâp ivá ƀă peăng tơdroăng pro leh tung mâu hâi mơdĭng ki kal, ai pơxúa.

Mâu tơdroăng pêi pro mê cho: Mơđah xâp ếo - pơtâk - kơpĕn  tiô khôi hmâ ton nah; Mơđah hơdruê xuăng; tối tơbleăng tơmeăm khoăng dêi mâu hdroâng kuăn ngo... hiăng pro ăm mâu ngế ki ngăn khĕn kơdeăn, mơhno tơdroăng ki lĕm mơđah ăm hên hĭn tơmối, mê mâu ngê̆ nhân, yiên viên, mâu ngế tơ’noăng ivá ƀă hnê mâu yiên viên hdroâng kuăn ngo mâu kong pơlê ƀă kuăn ngo kong pơlê Bình Định.

‘Na tơdroăng tơ’noăng ivá, mâu ngế tơ’noăng mê tơ’noăng 4 môn pơtâp ivá hdroâng kuăn ngo ƀă tơdroăng xah hêi tiô chal krâ nah. Kố cho mâu tơdroăng pêi pro ki hên ngế kuăn pơlê mâu hdroâng kuăn ngo kơpong kĭng têa kơxĭ tơdế tơnêi têa hâk vâ, đi đo veăng pơtâp, mơđah ƀă tơ’noăng tung mâu hâi leh hâi mơdĭng tiô khôi hmâ sap ing nah dêi kong pơlê.