Kơxo lơ 8/3, Khu pơkuâ Văn hok Ngê̆ thuât Dak Lak tơkŭm po Leh tơbâ 70 hơnăm Hâi mơjiâng Khu xup um Việt Nam ƀă mơhnhôk 2 roh tơ’noăng um ‘’Ƀuôn Ma Thuột – Dak Lak mot tơrŭm ƀă mơnhông mơdêk” ƀă “Tơdroăng tơkŭm po Leh tơbleăng kơphế Ƀuôn Ma Thuột roh má 8, hơnăm 2023’’. A roh leh, mâu kăn teăng mâ hiăng rơtế tơbâ tơdroăng mơnhông mơdêk 70 hơnăm Xup um Việt Nam ƀă Xup um Dak Lak.

A Dak Lak, klêi kơ’nâi lối 30 hơnăm sap ing mơjiâng, Chi hô̆i khu xup um (ối tung Khu pơkuâ Văn hok ngê̆ thuât) troh nôkố hiăng ai 33 khu ngế, tung mê ai 17 ngế cho khu ngế xup um râ Tơnêi têa; ai 4 ngế châ diâp inâi nghê̆ sih xup um ki rơkê má môi ƀă Ki rơhêng vâ tối rơkê khât. Mâu ngê̆ sih xup um Dak Lak đi đo pêi tiô troăng dêi Đảng, ai hên um ki lĕm tŭm tung tơdroăng rêh ối, mơhno khôi túa lĕm tro pơlê pơla, mơnhông mơdêk cheăng kâ, gâk kring cheăng lêng, mot tơrŭm lâp plâi tơnêi, hriâm tâp ƀă pêi tiô troăng tơdjâ Hồ Chí Minh ƀă hía hé,

Kum mơđah tơbleăng um Dak Lak, Tây Nguyên, tơnêi têa kuăn mơngế Việt Nam troh ƀă pú hmâ tung tơnêi têa ƀă kong têa ê. Roh kố, Khu pơkuâ Văn hok ngê̆ thuât Dak Lak hiăng mơhnhôk 2 roh tơ’noăng xup um mê cho: Roh tơ’noăng mơđah tơbleăng um ngê̆ thuât ‘’Ƀuôn Ma Thuột – Dak Lak mot tơrŭm ƀă mơnhông mơdêk’’ hơnăm 2023 ƀă roh tơ’noăng um “Drêng Leh hô̆i kơphế Ƀuôn Ma Thuột roh má 8 hơnăm 2023’’.