Mơhnhôk tơdroăng tơ’noăng rơkê pro video clip Ôm hyô Kon Tum hơnăm 2023
Thứ năm, 06:00, 31/08/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.XơĐăng - Ƀă dó inâi “Amazing Kon Tum – Kon Tum pro hâk vâ’’, kơxê lơ 30/8, a pơlê kong kơdrâm Kon Tum, Khu pơkuâ ‘na mơhno khôi túa lĕm tro, Tơ’noăng ivá ƀă Ôm hyô kong pơlê Kon Tum mơhnhôk roh tơ’noăng pro video clip Ôm hyô Kon Tum hơnăm 2023.
Tiô Khu tơkŭm po roh tơ’noăng, ngế ki veăng to lâi hơnăm xuân hôm, cho kuăn pơlê Việt Nam ƀă mơngế kong têa ê dế rêh ối, hriâm tâp a Việt Nam. Tiô pơkâ rêm ngế krê, khu pú hên kô chiâng pơtroh video veăng ƀă rêm video pro ton sap ing 4 troh 6 phut, hâi khế tơdah video troh tâi hâi lơ 25/10/2023.
Roh tơ’noăng pro video clip ôm hyô Kon Tum hơnăm 2023 ƀă dó inâi ‘’Kon Tum pro hâk vâ’’ pói tơngah troh lâp lu mâu tơmeăm ki má môi ôm hyô dêi tơnêi tơníu ƀă mơngế Kon Tum.
Viết bình luận