Tung 3 tíu ôm hyô ki nếo châ Vi ƀan hnê ngăn kong pơlê Kon Tum mơnhên cho Kơpong ôm hyô kong kế nhâ loăng râ kong pơlê, Kơdrum kong ilâng Čư̆ Mang Mrai dế tơrŭm ƀă mâu tíu pêi cheăng tung kơvâ ôm hyô lăm ngăn, mơnhên mâu tơdroăng ki kal ‘no liăn pêi cheăng ƀă pêi pro tour, troăng prôk ki nhên.

Tung mê, tơkŭm tí tăng ki pơxúa dêi tơnêi tơníu kong ki chiâng xêh vâ mơjiâng mâu kế tơmeăm ôm hyô: ki pơxúa ‘na khôi túa lĕm tro vâ mơnhông ôm hyô pơlê pơla. Pôa Đào Xuân Thủy, Kăn pơkuâ Khu pơkuâ ngăn Kơdrum kong ilâng tơnêi têa Čư̆ Mang Mrai, ăm ‘nâi tơdroăng ki mơdêk rĕng mơjiâng ôm hyô cho môi tung mâu troăng prôk dêi Kơdrum kong ilâng vâ rak vế tơniăn liăn ngân ăm hnoăng cheăng pơkuâ rak ngăn kong kế tơmeăm khoăng tung kong.