Pôa Lương Cường, Kăn xiâm hnê ngăn tơnêi têa pơkuâ leh têk nhang. Leh têk nhang châ po kân krip vâ rơkâu pâ ăm tơnêi têa tơniăn lĕm, kuăn pơlê tơniăn, lâp tơnêi tơnêi hơniâp lĕm, mơhno hiâm mơno nhuô̆m, ‘nâi mơnê mâu pơtáu mơjiâng tơnêi têa, ai hiâm mơno lĕm hiăng ai hnoăng po tơdroăng ki lĕm tơnêi têa Thăng Long, mơjiâng tơdroăng ki rơkê Đại Việt, rak pêi pro troh chal Pôa Hồ Chí Minh, Kăn xiâm hnê ngăn tơnêi têa hneăng apoăng ki rơkê...

Kăn xiâm hnê ngăn tơnêi têa rơtế mâu kăn teăng mâ khŏm mơ-eăm mơnhông khôi túa lĕm rơkê, khên tơnôu dêi Thăng Long – Hà Nội ƀă mâu tơdroăng ki kơnâ kơnía dêi hdroâng mơngế; môi hiâm mơno, pêi tâi ivá, hiâm mơno lĕm; tiô troăng mâu jâ pôa prôk hdrối, pơtối rak pêi tơdroăng ki khên tơnôu rơdêi Thăng Long; tơbêng tơdroăng rŭm môi tuăn tâi tâng kuăn pơlê, mơjiâng tơnêi têa rế hía rế kro mơdrŏng rơdêi, kuăn pơlê pơkuâ dêi hnoăng cheăng, tơdâng tơ’mô, rơkê; tơmiât troh leh chal nếo, chal mơnhông kro mơdrŏng rơdêi ƀă tơtêk; kuăn pơlê ai tơdroăng rêh ối phâi hơtô, hơniâp lĕm.