Tơpui a rôh pêi cheăng, pôa Trịnh Văn Quyết, Ngế xiâm pơkuâ hnê ngăn Tíu xiâm Tơnêi têa pơkâ thế mâu kăn tơmâng tối nhên mâu tơdroăng kơ'nâi kố:

Má môi cho, 'nâi nhên ƀă mơnhên tơdroăng veăng ‘no hnoăng dêi túa lĕm tro ƀă pêi cheăng tơtêk. Hnoăng veăng ‘no tung GDP, tâk hên tâng vâ riân tơdjuôm, ki pơxúa tâk, cheăng pêi, kơxô̆ liăn pê lo, liăn ngân, tê tơmeăm ngi kong têa ê, tơ’mot khu ‘no liăn pêi cheăng; tá hnoăng veăng ‘no tơdrêng, veăng ing hơngế ƀă tơdjâk troh lâp lu.

Má péa cho, mơnhên mâu kơvâ cheăng ki ai ivá chiâng vâ pêi châ tâk hên. Ôh tá chiâng pro mơdon, ôh tá chiâng “riên rêm inâi” luât pơkâ tŏng gum ăm mâu kơvâ cheăng. ‘Na kơvâ cheăng túa lĕm tro ki lâi Việt Nam ai ivá kâi tơbriât khât; kơvâ cheăng ki lâi kal troăng hơlâ luât pơkâ tơƀrê; tơmeăm khoăng xiâm ki lâi vâ chiâng pơxá inâi tơmeăm khoăng tơnêi têa tơdrêng hlối tung hneăng ki kố.