Tơdroăng mê ƀă dó inâi "Ing Huila mơnhông troh lâp plâi tơnêi" xua Kăn teăng mâ kong têa Colombia a Việt Nam tơrŭm ƀă mâu kơ koan, tíu pêi cheăng Pơlê kong kân Đà Nẵng tơkŭm po. A rôh po mơđah, mâu ngê̆ sih hơnăm ối nếo dêi Colombia tơbleăng ăm kuăn pơlê ƀă tơmối Hội An mâu tơdrá hơdruê, túa kơhnhon xuăng ki ro má môi dêi kong têa mê môi tiah Bambuco, Rumba Campesina, Rajaleña ƀă Sanjuanero. Veăng mơđah mê ối ai mâu vâi o phô̆m xông kân dêi Pơlê kong kân Đà Nẵng.  

Ing mâu tơdroăng mơđah tơbleăng, mâu vâi pú hơnăm ối nếo péa tơnêi têa ai tơ'nôm roh trâm mâ, tơpui tơno ƀă hlê plĕng tâ 'na khôi túa lĕm tro dêi pó. Tơdroăng pêi pro mê tung tơdroăng hriĕn plĕng Tơpui kâ Tơ’noăng ivá ƀă Túa lĕm tro dêi Khu xiâm tơpui kâ kong têa Colombia, tơmiât troh mơdêk tơrŭm pơlê pơla, rêh ối tơdjuôm hơniâp lĕm ƀă tơpui tối ăm dêi rơpó ‘nâi 'na khôi túa lĕm tro, malối ing mâu tơdroăng cheăng ăm mâu vâi o phô̆m vâ xông kân.