Tơdroăng kố cho vâ ô eăng, mơđah tơbleăng mâu tíu troh, mâu kế tơmeăm ôm hyô tung rơnó khía rơxăm Hà Nội. Festival tung mê mâu tơnêi tơníu: “Hơngui mơngơik khía rơxăm”, “Tơdroăng ki lĕm dêi rơnó khía rơxăm”, “Kơdrum bâ eăng” ƀă mâu tíu ki mơđah tơbleăng, mâi tíu troh ôm hyô Hà Nội ki hơniâp ro a rơnó khía rơxăm môi tiah kông Long Biên, kơphô̆ ton nah Hà Nội, hngêi chuô Một Cột, pơlê reăng Mê Linh, pơlê ton nah Đường Lâm. Malối, kô ai mâu kơbong mâu hngêi Phố Phái a kơphô̆ Lê Thạch, víu kơphô̆ tê kế kâ tơmeăm Tạ Hiên.

Drêng kố, pơlê kong kân Hà Nội xuân tơkŭm po Tíu ki mơđah tơbleăng kế kâ tơmeăm ôu a Cung Thiếu nhi Hà Nội. Bă inâi “Ki lĕm kế kâ tơmeăm ôu Việt”, Tíu ki tê kế kâ kó tơkŭm 51 to kơbong mơđah tơbleăng tơmeăm dêi mâu khu tơrŭm cheăng, ngê̆ nhân, khu mơdró kâ, tíu tê kế tơmeăm kâ ki vâi ô eăng dêi pơlê kong xiâm Hà Nội ƀă hên kong pơlê ki ê tung lâp tơnêi têa.