Troăng rơxế lơ treng sap Đà Lạt - Trại Mát xŏn  6,7km, cho peăng ki u ối dêi troăng sap Tháp Chàm - Đà Nẵng xŏn 84km, tơdjêp sap Ninh Thuận ƀă Lâm Đồng pơxiâm prôk sap hơnăm 1932, xua mơngế Pơhlăng mơjiâng. Kố cho troăng rơxế lơ treng chêng prôk ki tơviah má môi a Việt Nam ăm tơmối ki to lăm hyô ngăn pơlê kong kơdrâm Đà Lạt.

Troăng rơxế lơ treng kơmăng sap Đà Lạt – Trại Mát ai inâi “Kơmăng prôk troh Đà Lạt”  kơtâu chôa, tâi tâng chôu kơtâu vêh ai 1 chôu, châ Khu xiâm Kŏng ti ngăn troăng rơxế lơ treng Việt Nam pơxiâm ăm tơmối to sap 18 chôu 15 phut troh 12 chôu 20 phut rêm hâi. Veăng kơtâu a troăng rơxế lơtreng kơmăng kố, pakĭng ngăn mâu tíu ki lĕm tro a kơmăng dêi Đà Lạt, tơmối ối châ hmâng ngăn tơdroăng hơdruê, tơnêi tiô chal krâ, kâ ôu kơmăng tiô pơkâ.