A rôh trâm mâ, mâu ƀai chêh hiăng rơtế chêh tối ‘na tơdroăng hriê̆n chêh văn hok ‘na vâi hdrêng, mâu tơdroăng chêh ‘na văn hok tơtro ƀă tơrêm hơnăm, tơdroăng chêh, xúa mâu nâl chêh drêng hriĕn chêh ăm tơtro ‘na tơdroăng vâi hdrêng mê. Mâu ngế ki chêh xuân tối tơdroăng ki pá drêng hriăn chêh ‘na vâi hdrêng, tối púi vâ Kăn hnê ngăn Hô̆i văn học nghệ thuât Dak Lak kô tơmâng, tơkŭm po mâu rôh lăm troh a tíu hriăn chêh krê ‘na tơdroăng vâi hdrêng a pơlê cheăm, tơring.

Ngế teăng mâ ngăn ‘na chêh in hlá mơ-éa Kim Đồng xuân tối tơbleăng ‘na pri mơhá chêh Văn học Kim Đồng. Kố cho pri mơhá rôh apoăng châ tơkŭm po ăm mâu ƀai văn học ki chêh ‘na vâi o vâi hdrêng. Tâi tâng kơxô̆ liăn mơhá pri mê vâ chê 400 rơtuh, ƀă yă kơnâ má môi troh 100 rơtuh liăn môi pri.