Tơdroăng hriăn plĕng khoa hok tơkŭm tung tơdroăng hriăn plĕng mâu troăng vâ rak vế hơ’muăn hdrôu Tây Nguyên tối tơdjuôm, hơ’muăn hdrôu mâu hdroâng kuăn ngo Rơđế, Jarai tối krê tung ƀâng tơpui nâl hdroâng kuăn ngo a kơpong Tây Nguyên.

Tung mê tơkŭm tung mâu troăng pêi môi tiah: tơkŭm mâu tơdroăng tơpui mơ’no tung rơ’jíu tơbleăng, vêh pro mâu ƀai hơ’muăn hdrôu ki ô eăng; pơtâng tối, pơ-ôu pơ-eăng mâu ngê̆ nhân ai hên tơdroăng veăng kum tung tơdroăng rak vế ƀă hnê tơdroăng hơ’muăn hdrôu Tây Nguyên; mơhnhôk ƀă pơkuâ châ tơƀrê mâu pơlê pơla vâ rak vế ƀă mơnhông ki kơnâ khôi túa ‘na hiâm mơno tối tơdjuôm ƀă tơdroăng hơ’muăn hdrôu Tây Nguyên tối krê.

Hô̆i đong séa ngăn ăm phêp hiăng mơnhên nhên rêm tơdroăng dêi tơdroăng hriăn plĕng, veăng tơpui tối pơ’lêh mâu tơdroăng, mơnhên tơ’nôm mâu tơdroăng xiâm kal tơ’nôm tung tơdroăng hriăn plĕng. Pôa Tạ Đức Toàn, Kăn pơkuâ ƀâng hdroâng kuăn ngo, Rơ’jíu Việt Nam mơnhên: Tơdroăng ki vâ pêi pro cho mơhnhôk, djâ mâu pơkâ, mâu troăng pêi nôkố ƀă kô chiâng xúa tung tơdroăng tơpui mơ’no dêi Rơ’jíu Việt Nam.