Xông tơpui pơxiâm po hâi mơdĭng kơxop hlá mơ-éa, pôa Đỗ Tiến Sỹ, Kăn xiâm pơkuâ Rơ’jíu Việt Nam mơnhên kố cho tơdroăng ki pơxúa ki kal tơmiât troh mâu hâi leh tơbâ kân dêi tơnêi têa. Hiăng hên hơnăm kố Rơ’jíu Việt Nam pơrá tơkŭm po tơdroăng mơhnhôk hâi Khôi túa lĕm tro pơchuât laga đi đo ai mâu pơhlêh nếo djâ tơdroăng ki nếo ai.

Trâm mâ tơpui tơno pơla mâu ngế ki chêh ƀă ngế ki pơchuât hiăng mơnhên kơxop hlá mơ-éa cho tơmeăm khôi túa lĕm tro hiâm mơno ai hnoăng kal khât, djâ troh tuăn ngôa rơkê ki tá tui lui, tơmiât troh kuăn mơngế troh mâu tơdroăng ki kơnâ rơkê hên. Hriâm, ƀă pơchuât kơxop hlá mơ-éa cho môi tung mâu troăng pêi vâ kêi đeăng hiâm mơno kuăn mơngế, vâ rơkê tung tơdroăng rêh ối krê ƀă veăng kum tung tơdroăng mơnhông tơdjuôm dêi pơlê pơla mơjiâng ivá ki kal mơdêk tơdroăng mơnhông krá tơniăn.