Tơdroăng ó rơdêi dêi Kăch măng Khế Tơheăm hơnăm 1945 rơtế tơdroăng pói vâ tơniăn krê hdroâng mơngế hiăng châ bro mơhno ing tơdroăng ki môi tiah khât mâu hdroâng mơngế Gia Lai rơtế lâp tơnêi têa xông gâk kring tơdroăng ki tơniăn krê. Ki rơhêng vâ tối, mâu tơdroăng mơđah tơbleăng ‘’Pôa Hồ rêh troh tá ah ƀă Tây Nguyên’’ hiăng mơđah tơbleăng Kơthô Pôa Hồ pơtroh Hneăng hôp kăn teăng mâ mâu hdroâng kuăn ngo pêa Hdroh Tơnêi têa  Pleiku hơnăm 1946, rơtế um méa Pôa Hồ troh tung ngo ngối kong kế, rơkong tó têm rơpiât môi tiah séa ngăn tơdroăng mơnhông mơdêk dêi Gia Lai hâi kố.

Mơgêi tơdroăng cho rơhdruê hơnăm ối nếo, tiô rơxông nếo ‘’Vêh ƀă Gia Lai – Tơpéa mâ Pleiku’’ ƀă ‘’Gia Lai – Tíu mơngiơk tơkŭm’’, vêh mơhno môi kơpong tơnêi pêng păm tơdroăng rêh, ƀeăn ƀĕng ƀă mot tơrŭm. Kơmăng ngê̆ thuât pêng păm tơdroăng ƀriê rơrêk, nhuô̆m tơdroăng khôi vâi krâ nah ƀă pói vâ tơdroăng vâ mơ-eăm rơdêi, kro mơdrŏng ó rơdêi rơtế hdoâng mơngế dêi kong pơlê Gia Lai nếo.