Ƀuôn Kuốp, cheăm Dray Sáp, tơring Krông Ana cho tíu rêh ối ton xŏn dêi mơngế Rơđế ƀă M’Nông. Pơlê kơtăn ing pơlê kong kơdrâm Ƀuôn Ma Thuột 21 km, a troăng ing xí Dray Nur lăm xí Dray Sáp Thượng (ối khê̆n cho xí Gia Long). Pơlê ối rak vế hên mâu tơdroăng kơnía git túa lĕm tro khôi hmâ dêi mơngế Rơđế ƀă M’Nông môi tiah: tŏn chêng koăng, hơdrê eirei, kơhnhon xuăng, mâu tơdroăng ki rơkâu xối kơneăng têa, tĭng kâ báu nếo, ‘mêng bro tơnâp kiâ ƀă hên cheăng ƀă kŏng môi tiah teăn mâu pong, chêa, teăn ếo pơtâk, pế drôu xiâm, bro mâu proâ ƀă hên ki ê.

Nôkố pơlê ối rak vế vâ chê 50 toăng hngêi trá ki xŏn khôi hmâ mơni kô chiâng tíu rak vế kum tơmối ôm hyô. Ing hơnăm 2023, ƀuôn Kuốp châ kong pơlê Dak Lak kum liăn bro hngêi trăng troăng klông, ‘mâi rơnêu mâu kong prâi tơnêi tơníu, pêi pro hên tơdroăng ki mơnhông ôm hyô pơlê pơla.