Kố cho tơdroăng tung tơdroăng Leh Koh hmât Việt Nam hơnăm 2023 dêi Kăn teăng mâ kơ koan teăng mâ Ấn Độ a Pơlê kong kân Hồ Chí Minh, trâm mâ tơpui tơno khôi túa lĕm tro pơla Ấn Độ ƀă kong pơlê Dak Lak. A tơdroăng tơkŭm po kố, mâu ngế châ ngăn mâu tơdroăng kơhnhon xuăng ki má môi ƀă pêng păm khôi túa lĕm tro chal vâi krâ nah Ấn Độ xua Khu koiwhnhon xuăng Kuchipudi ai 6 nghê̆ sih ki rơkê má môi dêi Ấn Độ mơđah tơbleăng.

Tơdroăng mơđah tơbleăng pơxiâm ƀă mâu tơdroăng leh tíu mơđah tơbleăng, kơ’nâi mê rêm ngế xah tơpui tối a tíu tơbleăng tơbleăng ƀă tối tơbleăng dêi tơná ƀă tơdroăng xiâm dêi tơdroăng hơdruê ƀă tơdroăng kơhnhon xuăng vâ tối tơbleăng khôi túa lĕm, mơhno hiâm mơno dêi mâu ngế ki xah.

Rêm tơdroăng cho môi tơdroăng pêng păm tơdroăng hơ’muăn ‘na mâu xeăng, kheăn kơdeăn Xeăng tung tơdroăng loi tĭng tiô khôp dêi Ấn Độ môi tiah: Xeăng ko rui Ghanesha, Xeăng Shiva, Xeăng Rama, Xeăng Vishu, Xeăng Krishna. Ƀă tâk chu ro tơniâ, kơhnhon xuăng, mâu tơdroăng hơdruê xuăng kum ăm mâu ngế ngăn châ tâ ƀă hlê plĕng tơ’nôm ‘na khôi túa lĕm tro ki má môi dêi tơnêi têa Ấn Độ. Pôa Mahesh Giri, Kăn teăng mâ Kơ koan teăng mâ Ấn Độ a Pơlê kong kân Hồ Chí Minh tối ăm ‘nâi:

‘’Ngin pói vâ po rơdâ ôh tá xê tơrŭm cheăng pơla péa pâ mê ối tá tơrŭm cheăng tê mơdró ƀă tơrŭm mơhno khôi túa lĕm tro, tơdroăng ki kố kal khât tâ. Mê cho xiâm kối xua ti lâi ngin ối a kố ƀă kô pơtối tơpui tơno mâu tơdroăng kố. Tơdroăng kố mơjiâng mâu tơdroăng tơrŭm râ kong pơlê tung tơrŭm dêi pin, gá kum tơdroăng tơrŭm cheăng dêi pin thăm rŭm achê. Ấn Độ ƀă Việt Nam ai tơrŭm achê ƀă lĕm, xua mê ngin pói vâ mơdêk tơrŭm cheăng kố’’.