Jâ Lê Thị Trúc Linh, Kăn Phŏ pơkuâ ‘na khôi túa lĕm tro – Tơ’noăng ivá – Ôm hyô kong pơlê Dak Nông tối ăm ‘nâi, roh leh tơbâ 20 hơnăm vêh mơjiâng kong pơlê, tối hdrối kơxô̆ tơmối troh lăm ngăn kô tâk hên. Khu pơkuâ rơtế Vi ƀan mâu tơring hiăng tơkŭm séa ngăn mâu tíu ối ƀă ivá bê tíu ối, tơdrêng amê rơnuâ mâu kế tơmeăm ăm dâi lĕm vâ tơdah tơmối.

Pơtối mê, a pơlê kong kơdrâm Gia Nghĩa ƀă mâu tơring ki achê mê cho Dak Glong, Dak R’lấp, Dak Song, Dak Mil, ai vâ chê 200 tíu ối bê ăm lối 7.100 ngế/môi hâi. Rơtế ƀă mê, mâu tơring ki achê mâu tíu ôm hyô, kơdrum reăng kiâp hmốu lâp plâi tơnêi UNESCO Dak Nông môi tiah Krông Nô, Dak Glong, Čư Jút, mâu tíu ối xuân hiăng mơdêk ki dâi lĕm hbrâ tơdah tơmối.

Roh kố, tơmối xuân châ tâ tơdroăng rêh ối, khôi túa lĕm tro, châ kâ kơchâi kâ dêi kuăn pơlê mâu hdroâng kuăn ngo a Dak Nông a mâu tíu ôm hyô pơlê pơla.